Kóne túrki jádigerleri

Atalǵan zaldyń ashylý saltanatynda betashar sózdi Ulttyq mýzeıdiń dırektory Arystanbek Muhamedıuly aldy.

– Adamzat tarıhynda túrki órkenıetiniń alatyn orny óte zor. Ulan-ǵaıyr atyrapty ba­ǵyndyrǵan túrkiler kósh­pe­lilik pen otyryqshylyq máde­nıetti sheber ushtastyryp, óner men ǵylymnyń irgeli ordasyna aınaldy. Sondyqtan ata-baba erligin ulyqtaý – biz­diń mindetimiz! – dedi A.Mu­hamedıuly.

Shara barysynda Túr­kııa Res­pýblıkasynyń Qazaq­standaǵy Tótenshe jáne óki­letti elshisi Ýfýk Ekıdjı, О́z­­bekstan Respýblıkasynyń Qazaq­standaǵy Tótenshe já­ne ókiletti elshisi Saı­dı­kram Nııazhodjaev, Qyr­ǵyz­­stan Respýblıkasynyń Qazaq­­stan­daǵy Tótenshe já­ne ókiletti elshisi Jeen­bek Ký­lýbaev, Ázer­­­baı­jan Res­­pýblıkasynyń Qazaq­standaǵy Tótenshe jáne ókiletti elshisiniń birinshi hat­­shysy Eıvaz Mýsaev qut­tyq­taý sóz sóılep, kóne túrki órkenıetiniń mádenı jáne rýhanı muralaryn saralap, olar­­dyń búgingi urpaq úshin ma­ńyzyn atap ótti.

Aıta keteıik, is-sharanyń negizgi maqsaty – Eýrazııanyń dalalyq aýmaǵynda ımpe­rııa­lyq dárejege jetken Kóne túrki órkenıetiniń mádenı jáne rýhanı muralaryn búgingi túr­ki halyqtarynyń myzǵymas murasy retinde nasıhattaý.

«Kóne túrki órkenıeti» zaly Uly dala tósinde alyp memleketke aınalǵan ortaǵasyrlyq túrkilerdiń rýhanı jáne ma­terıaldyq mádenıetine ar­nalǵan. Jalpy, zal ekspozısııasy úsh bólikten turady. Alǵashqysy túrkilerdiń jaz­ba mádenıetine arnalsa, ekin­shi bóliginde túrkilerdiń di­nı seniminen syr shertetin tas músinder qoıylǵan. Zal eks­pozısııasynyń úshinshi bó­liginde túrli qorymdar men obalardan tabylǵan tarıhı já­­digerler (at-ábzelderi, qarý-jaraqtar jáne t.b.) toptas­tyrylǵan.

Endi, budan bylaı Ulttyq mýzeıdiń qonaqtary jańadan ashylǵan «Kóne túrki órkenıe­ti» zalyn tamashalap, ulttyq tarıhymyz ben mádenıetimizge qatysty tyń maǵlumattarmen tanysa alady.