Otbasynda 6 jasar qyzdan bólek eki bala bar. Búginde olar "Qamqor" áleýmettik ońaltý ortalyǵyna ýaqytsha ornalastyryldy.
"1993 jylǵy áıel birge turatyn adamymen jáne úsh balamen qala shetindegi saıajaıda turyp kelgen. Qolaısyz otbasy retinde polısııa esebinde bolǵan. Bul otbasy bilim bóliminiń qorǵanshylyq jáne qamqorshylyq bóliminiń baqylaýynda. Búginde eki bala "Qamqor" áleýmettik ońaltý ortalyǵyna ýaqytsha ornalastyryldy. Qaıǵyly oqıǵa bolǵan kúni bala ájesiniń qaraýynda bolǵan", - deıdi ákimdik ókilderi.
Qaıǵyly oqıǵa bolǵannan keıin ákim orynbasary Dáýir Júnisbekov marqumnyń otbasyna baryp qaıtqan. Qaladaǵy veterınarlyq stansııa qańǵybas janýarlardy aýlaý men atýdy júıeli túrde júrgizip jatqanyn habarlady.
Eske salaıyq, búgin qańǵybas ıtter 6 jasar qyzdy talap tastaǵany jóninde habar tarady. Ata-anasy qyzdyń daýysyn estip kóshege shyqqan. Jedel járdem qyzmetkerleri tez jetkenimen, kishkentaı qyz qaıtys bolǵan.
