"Osy qaýlyda kórsetilgen adamdardan basqa azamattardyń Qostanaı jáne Rýdnyı qalasynyń aýmaǵyna kirýine/shyǵýyna tyıym salynsyn. Bul rette, oblys turǵyndarynyń bir aýdannan/qaladan ekinshi aýdanǵa kedergisiz júrip-turýyna ruqsat etiledi. Jol paraqtaryn, jumys júktemesi, tapsyrma-josparlardy, taýar júkqujattaryn, issapar qujattaryn, medısınalyq mekemelerdiń joldamalaryn, jeke kýáligin kórsetken kezde sanıtarııalyq beketter arqyly kedergisiz kirýge/shyǵýǵa bolady", delingen Oblystyq jedel shtabtyń qaýlysynda. Sonymen oblystyń aýdan-qalalaryna myna azamattarǵa kirip-shyǵýǵa ruqsat etiledi:
- halyqtyń tirshiligin qamtamasyz etetitn uıymdardyń qyzmetkerleri;
- medısınalyq kórsetkishteri bar adamdar;
- tranzıttik jolaýshylar men júkterdi avtotasymaldaýshylar;
- vahtalyq qyzmetkerlerdi tasymaldaıtyn kólik quraldary;
- kólikti jáne tabıǵat qorǵaý, veterınarııalyq, aýyl sharýashylyǵy is - sharalaryn, jol-jóndeý jumystaryn, avarııalyq qyzmetterdi júrgizýge tartylǵan adamdardy, birinshi kezekte qajetti taýarlardy, tamaq ónimderin, dári-dármekterdi, qatty, suıyq otyndy jáne JJM jetkizýshilerdi, sondaı-aq oblystyń sharýashylyq tynys-tirshiligin qamtamasyz etý úshin taýarlary, jabdyqtary men materıaldary bar barlyq júk kóligin rastaıtyn qujattar usynylǵan kezde (memlekettik tirkeý týraly kýálik, jumyskerler úshin-jumys ornynan mórmen rastalǵan erkin úlgidegi anyqtama);
- quqyq belgileıtin qujattardy usynǵan kezde qala syrtyndaǵy úılerge (saıajaılarǵa) barý úshin turaqty turatyn jerine qaıtyp keletin adamdar men oblys turǵyndary (bir otbasy músheleri);
- jumys berýshiniń mórimen rastalǵan erkin úlgidegi anyqtamasy bar adamdar. Ýaqytsha karantın belgilengen Rýdnyı qalasynda myna qoǵamdyq kóliktiń júrip-turýyna ruqsat beriledi: № 1, 2, 6, 7, 8, 10, 11, 29, 200.
Sondaı-aq "SSKО́B" AQ qyzmetkerlerin saǵat 5:00-den 10:00-ge deıin jáne saǵat 17:00-den 01:00-ge deıin tasymaldaý úshin bólingen avtokólikter kedergisiz qozǵalady. Oblystyq kirister departamentiniń avtokólikterine saǵat 22:00-den 06:00-ge deıin kedergisiz qozǵalýǵa ruqsat berildi.
