ShQO óńirlik kommýnıkasııalar qyzmetinde ótken baspasóz konferensııasy barysynda oblystyq Densaýlyq saqtaý basqarmasynyń ókili Asqar Horoshash COVID-19 ınfeksııasynyń taralý qaýpin azaıtý jáne qaýipti dertti juqtyrǵandarmen baılanysta bolǵandardy ýaqtyly izdeý, sondaı-aq olardy oqshaýlaý úshin medısınalyq-epıdemııalyq brıgadalar qurylǵanyn aıtty.
"Búginde óńir boıynsha 40 ınfeksııalyq stasıonar daıyndalǵan. Tolyqtaı jabdyqtalǵan 6 myńnan astam tósek-oryn uıymdastyryldy, onyń 399-i reanımasııalyq. Infeksııalyq stasıonarlarǵa barlyǵy 696 pasıent jatqyzyldy, olardyń 76-sy aýyr, qalǵandary ortasha aýyr halde. Karantın stasıonarlarynda 19 adam jatyr", dedi ol.
О́skemende úshinshi deńgeıdegi ınfeksııalyq tósek-oryn sanyn arttyrý úshin osy aptada 150 tósektik jańa ınfeksııalyq gospıtal ashý josparlanyp otyr. Bul ǵımaratqa jaqynda kúrdeli jóndeý júrgizilgen.
"Naýqastardy ornalastyrý úshin stasıonarlar jóndeýden ótti. Budan bólek, О́skemendegi oblystyq mamandandyrylǵan medısınalyq ortalyqta jáne №4 qalalyq aýrýhanada, Semeıdegi juqpaly aýrýlar aýrýhanasynda, Jarma, Katonqaraǵaı, Ulan, Glýbokoe, Kúrshim jáne Tarbaǵataı aýdandarynyń aýrýhanalarynda jóndeý jumystary júrgizildi", deıdi Asqar Horoshash.
