Tártip saqshylary arnaıy operasııa barysynda Jeńis kóshesinde esirtki satqany úshin buryn sottalǵan 39 jastaǵy qala turǵynyn ustady. Jeke tintý barysynda onyń sómkesinen gashısh salynǵan 13 polıetılen paket tabyldy. Er adamnyń turatyn jerin teksergen polıseıler gashısh salynǵan úsh polıetılen paketti jáne ótkizýge daıyndap qoıǵan, ólshenip, býylyp-túıilgen 32 polıetılen oramany tapqan.
Arnaıy operasııany ótkizý nátıjesinde zańsyz aınalymnan 20 kelige jýyq esirtki tárkilendi. Onyń “qara naryqtaǵy” baǵasy shamamen 30 mln. astam teńgeni quraıdy. Qazirgi tańda elimizdiń ońtústik óńirlerinen esirtkini jetkizýge jáne ótkizýge qatysy bar qylmystyq tizbekke qatysýshylardy anyqtaý boıynsha jedel-izdestirý sharalary júrgizilýde.
Kúdiktige qatysty QR QK 296-babynyń 4-bóligi (Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý), QR QK 297-babynyń 3-bóligi (Asa iri mólsherdegi esirtki, psıhotroptyq zattardy, sol tektesterdi ótkizý), QR QK 287-babynyń 2-bóligi (Jaraqat salatyn patrondarmen atý múmkindigi bar uńǵysyz atys qarýyn, gazdy qarýdy, qysqa uńǵyly tegis uńǵyly atys qarýyn, sol sııaqty onyń patrondaryn zańsyz ıemdený, berý, ótkizý saqtaý, tasymaldaý nemese alyp júrý) boıynsha sotqa deıingi tergeý amaldary bastaldy. Ustalǵan adam Nur-Sultan qalasynyń PD ýaqytsha ustaý ızoltoryna qamaldy.
