Ispanııa sottaryna el bıligi men densaýlyq saqtaý júıesine qatysty kóptegen shaǵymdar kelip túsýde. Aryzdanýshylar memlekettik organdardy koronavırýspen kúres aıasynda basqa aýyr aýrýlarmen, atap aıtqanda onkologııamen aýyratyn naýqastar medısınalyq kómeksiz qaldy dep aıyptaýda.
Germanııada shekteý sharalaryn kúsheıtý jaıyndaǵy jıyn 25 qarashaǵa deıin keıinge qaldyryldy. Kansler Angela Merkel 16 federaldy shtattyń basshylary onyń indetti boldyrmaý úshin qatań sharalaryn qoldanýǵa tyrysyp jatqanyna qarsy ekenin aıtty.
Avstrııada 17 qarashadan 6 jeltoqsanǵa deıin mektepter men azyq-túlik dúkenderinen basqa saýda oryndary jabylady. Federaldy kansler Sebastıan Kýrs bul sharalardyń epıdemııanyń órshýine baılanysty qajetti shara ekenin aıtty.
Ulybrıtanııada Úkimeti halyqaralyq gýmanıtarlyq kómekke jumsalatyn shyǵyndardy ýaqytsha qysqartý múmkindigin qarastyrýda. Bul pandemııamen baılanysty bıýdjettik shyǵyndardyń kóbeıýine baılanysty ekenin aıtty - atap aıtqanda, medısınalyq mekemelerdi jabdyqtaýǵa jáne qashyqtyqtan jumys isteı almaıtyn adamdarǵa qarjylaı kómek tólemderi.
Shotlandııada úkimet eldiń batysyndaǵy 11 aýdanda, sonyń ishinde Shotlandııanyń eń úlken Glazgo qalasynda shekteý sharalaryn kúsheıtetindigin málimdedi. Juma kúninen bastap azyq-túlik dúkenderinen basqa saýda oryndary, pabtar men meıramhanalar jáne sport zaldary jabylady.
