Aımaqtar • 20 Qarasha, 2020

Aqtóbede joǵalyp, Qyzylordadan tabyldy

480 ret

kórsetildi

1 mın

oqý úshin

Qarasha týysymen óńirde kún qabaǵy kúrt ózgerdi. Aýa raıy 20-25 gradýsqa deıin sýytyp, polıseıler «Qańǵybas» sharasyn qolǵa aldy. Kóshe kezgen kezbelerge kómek beretin shara aıasynda qalalyq polısııa basqarmasynyń ýchaskelik polısııa ınspektorlary ózderine bekitilgen ákimshilik aımaqtarda qıyn jaǵdaıǵa ushyraǵan azamattardy anyqtaýda, - dep jazady Egemen.kz

Murat JETPISBAEV

Máselen keshe qala ortalyǵyndaǵy saýda úılerinde birinen 1984 jyly týǵan kezbe áıel anyqtaldy. Tekserý barysynda onyń О́skemen qalasynyń týmasy ekendigi, Aqtóbe qalasynda aspaz bolyp jumys istegen júrip tamyz aıynda iz-túzsiz joǵalǵandyǵy anyqtaldy. Barlyq jeke qujattaryn joǵaltyp, sharasyzdyqtan ishimdikke salynyp ketken áıeldi polıseı qyzmetkerleri dereý polısııa pýnktine jetkizip, tamaqtandyryp, qalalyq áleýmettik beıimdeý ortalyǵyna jetkizdi. Onda ol tamaqpen jáne qajetti medısınalyq dári-dármektermen qamtamasyz etildi.

Qyzylorda qalalyq Polısııa basqarmasynyń krımınaldyq polısııa qyzmetkerleri О́skemendegi áriptesterimen baılanysqa shyǵyp, iz-tússiz joǵalǵan áıeldiń aman –esen tabylǵanyn habarlady. Jaqyn arada áıeldiń týystary kelip úıine alyp qaıtatyn bolady.