Álem • 20 Qarasha, 2020

IýNISEF: Qazaqstan halyqaralyq deńgeıde kósh bastap keledi

27 ret kórsetildi

Qazaqstanda balalardyń jaǵdaıyn jaqsartý baǵytynda edáýir ilgerileý baıqalady, sondaı-aq elimiz bala quqyqtaryn qorǵaý boıynsha álemde jetekshi orynǵa ıe. Bul týraly búgin Dúnıejúzilik balalar kúnine arnalǵan brıfıng barysynda BUU Balalar Qorynyń (IýNISEF) Qazaqstandaǵy О́kiliniń orynbasary Veronıka Vashenko málimdedi.

«1994 jyly Qazaqstan balalarǵa meıirimdi qoǵam qurýdyń quralyna aınalǵan Bala quqyqtary týraly Konvensııany qabyldady. Dál sol kezde IýNISEF Qazaqstanda óz keńsesin ashqan bolatyn. Konvensııa ratıfıkasııalanǵan sátten bastap Qazaqstan eldegi balalardyń jaǵdaıyn jaqsartý barysynda edáýir ilgerileý tanytyp, óńirlik jáne halyqaralyq deńgeıde bala quqyqtaryn qorǵaý boıynsha kóshbasshylarynyń birine aınaldy», – dep atap ótti BUU Balalar Qorynyń (IýNISEF) Qazaqstandaǵy О́kiliniń orynbasary Veronıka Vashenko.

V. Vashenko Memleket basshysy balalardyń quqyqtaryn qorǵaý máselesine erekshe nazar aýdaratynyn atap ótti. «Prezıdent Qasym-Jomart Toqaev 2020 jylǵy 1 qyrkúıekte jarııalanǵan Qazaqstan halqyna Joldaýynda balalardyń quqyqtaryn qorǵaý jónindegi sharalardy kúsheıtýge basa nazar aýdardy. Bul óte mańyzdy», – dedi IýNISEF ókili.

Qazaqstan Respýblıkasynyń Bilim jáne ǵylym mınıstrligi úılestirýshi jáne beıindi vedomstva retinde balalardyń quqyqtaryn qorǵaý boıynsha keshendi sharalardy belsendi túrde júrgizip otyr.

«2020 jyldyń qańtar aıynan bastap barlyq óńirde «Balalar quqyqtary jónindegi jergilikti ýákil» qyzmeti engizildi. Bul ınstıtýt óz tıimdiligin dáleldedi. Sondaı-aq kámeletke tolmaǵandardyń quqyqtaryn qorǵaý máseleleri boıynsha ortalyqtyń aımaqtarymen ózara árekettestigin kúsheıtti», –  dep atap ótti Bıbigúl Asylova.

Sońǵy jańalyqtar

Vıkıngterdiń izimen

Tarıh • Keshe

Uqsas jańalyqtar