Oblystyq qan ortalyǵynyń mamandary qazir óńirde qan tapshylyǵy baıqalyp otyrǵanyn aıtady. Turaqty donorlarǵa degen suranys óte joǵary. Ortalyq mamandarynyń aıtýynsha, kún sýytqaly turǵyndar arasynan ortalyqqa óz erikterimen kelip, qan tapsyratyndar da azaıǵan.
Osyǵan oraı, oblystyq memlekettik qyzmet isteri departamenti memlekettik qyzmetkerler arasynda bastama kóterip otyr. О́zge áriptesterine úlgi retinde departament basshysy qyzmetkerlermen birge qan tapsyrdy. Aksııaǵa QR Prezıdenti janyndaǵy Memlekettik basqarý akademııasynyń oblystyq fılıalynyń qyzmetkerleri de atsalysty.
"Bıylǵy jyldy Memleket basshysy "Eriktiler jyly" dep jarııalaýyna oraı osyndaı bastama kóterip otyrmyz. Bastamanyń maqsaty - oblystaǵy barlyq memlekettik qyzmetshilerdi erikti qan donory bolýǵa shaqyrý. Sol arqyly halyq arasynda donorlyqty nasıhattaý. Qan tapsyrý árbir adamnyń qolynan keletin is. Qınalǵan jandardyń ómirine úmit syılaıtyn ıgilikti bastamaǵa áriptesterimiz barynsha qoldaý bildiredi dep senemin, – dedi departamenttiń basqarma basshysy Ǵalymjan Ilkibaev.
