"Sońǵy aı ishinde azamattarǵa qońyraý shalyp, ózin HQO qyzmetkerimin dep tanystyryp, qaryzyn tóleýdi nemese tekseris úshin jeke basynyń málimetterin suraıtyn alaıaqtardyń áreketi jıilegen. Pavlodar men Ekibastuz qalalarynyń jáne Ertis aýdanynyń halyqqa qyzmet kórsetý ortalyqtaryna adamdar kelip, HQO qyzmetkerleri atynan olarǵa qońyraý shalǵan belgisiz adamdardyń qaryzdaryn ótemegen jaǵdaıda ESQ kiltteri men jeke bas kýálikterin buǵattaýy jaıly habarlasqanyn aıtqan eken", deıdi oblystyq "Azamattarǵa arnalǵan úkimet" PR-menedjeri Meıramgúl Abdrahmanova.
Keleńsiz jaıttardy boldyrmaý úshin memlekettik korporasııa qyzmetkerleriniń eshkimge qońyraý shalmaıtynyn, boryshkerlerdiń málimetter bazasyn kóre almaıtynyn jáne kollektorlyq kompanııalardyń jumysyna esh qatysy joqtyǵyn habarlaıdy.
"Azamattarǵa arnalǵan úkimet" pen qyzmet alýshylar arasyndaǵy kez kelgen baılanys 1414 nómirinen joldanatyn SMS habarlama túrinde ǵana bolýy múmkin, azamattarǵa brondaý, qujattar merziminiń aıaqtalýy, qujattyń daıyn bolǵany nemese kompozıt qyzmetterine qatysty habarlamalar joldanady.
