Qazaqstan • 20 Qarasha, 2020

Kásipti tegin meńgergiń kelse Soursera-ǵa tirkel

30 ret kórsetildi

Almaty qalasynyń turǵyndary jappaı onlaın bilim berýdiń halyqaralyq júıesi – Soursera jobasy arqyly tegin bilim ala alady. О́ńirlik kommýnıkasııalar qyzmetinde baspasóz brıfıngin ótkizgen qalalyq sıfrlandyrý basqarmasynyń basshysy Baıan Qońyrbaev osy máseleni egjeı-tegjeıli túsindirdi.

Qalalyq sıfrlandyrý basqarmasy men jumyspen qamtý ortalyǵy Soursera kompanııasymen kelisimge kelgen bolatyn. Kelisim aıasynda 5000 adam álemniń bedeldi ýnıversıtetterindegi oqý kýrstaryna tegin qatysa alady. Buǵan deıin kýrsqa qatysýǵa ótinim berý ýaqyty qazan aıynyń sońyna deıin, al sabaqtardy tegin paıdalaný 31 jeltoqsanǵa deıin ǵana bolsa, endi bul múmkindik 2021 jyldyń aqpan aıyna deıin uzartylyp otyr. Bıyl qazan aıynyń sońyna deıin tirkelip úlgergen azamattar aqpan aıyna deıin sabaqtardy tegin paıdalana alady.

– Baǵdarlama óte jaqsy nátıje kórsetip otyrǵandyqtan, ony uzartý týraly sheshim qabyldadyq. Soursera arqyly bilim alý – álemdegi úzdik ýnıversıtetter men iri álemdik kompanııa dıplomdaryn, sertıfıkattaryn ıelenýdiń, soǵan saı suranysqa ıe maman bolýdyń tamasha joly, – deıdi Baıan Qońyrbaev.

Qazir osy onlaın oqý jobasy aıasynda suranysqa ıe kýrstardyń aldyńǵy leginde Communication, Computer Programming, Mathematics, Probability and Statistics, Statistical Programming, Data Analysis, Leadership and Management, Entrepreneurship, Theoretical Computer Sciences jáne Finance salalary tur.

Almatylyqtardyń kýrsqa qatysýǵa degen belsendiligi joǵary. Bul jas mamandardyń kásibı damýǵa jáne eńbek naryǵyndaǵy básekege qabilettilikti arttyrýǵa degen yntasy men yqylasynyń bar ekenin ańǵartady deıdi basqarma basshysy.

Enbek.kz portalynda kýrstarǵa ótinimder qabyldaý jalǵasyp jatyr. Eńbek jáne halyqty áleýmettik qorǵaý mınıstrliginiń málimetinshe, qazirdiń ózinde 65 myńnan astam qazaqstandyq onlaın joba arqyly bilim alýǵa nıet bildirgen. Al 32 myń qazaqstandyq oqýdy bastap ketken.

Eske salaıyq, álemge áıgili Soursera onlaın jobasynda jahan boıynsha 60 mıllıonnan astam paıdalanýshy tirkelip, olar 5000-ǵa jýyq kýrs pen 400-den astam mamandyq túrin meńgere alady. Sonymen qatar jobaǵa qatysýshylar 150 bilim berý mekemesiniń qyzmetin tutynady.

 

Abaı Aımaǵambet,

"Egemen Qazaqstan"

ALMATY

Sońǵy jańalyqtar

Aqbóken ósimin retteı alamyz ba?!

Aımaqtar • Búgin, 22:32

Úlken ótirik jáne onyń saldary

Álem • Búgin, 22:29

Qostanaı oblysynda kólik órti jıilegen

Aımaqtar • Búgin, 18:00

Búgin – Halyqaralyq Mýzeı kúni

О́ner • Búgin, 15:12

Koroldik klýb kósh bastap tur

Fýtbol • Búgin, 14:44

Aıda Balaevanyń anasy ómirden ozdy

Qoǵam • Búgin, 11:54

Dollar baǵasy taǵy arzandady

Ekonomıka • Búgin, 11:30

ShQO-da jol apatynan 1 adam kóz jumdy

Oqıǵa • Búgin, 11:23

Uqsas jańalyqtar