Aımaqtar • 21 Qarasha, 2020

"Rýhanı-jańǵyrý - taný negizderi" monografııalyq oqýlyǵy jaryq kórdi

14 ret kórsetildi

Ǵumyrynyń sońyna deıin Qazaq ulttyq qyzdar pedagogıkalyq ýnıversıtetinde qyzmet atqarǵan fılosofııa ǵylymdarynyń doktory, professor, ulaǵatty ǵalym Sapar Ospanovtyń «Rýhanı-jańǵyrý-taný negizderi» konseptýaldy-monografııalyq oqýlyǵy jaryq kórdi, dep habarlaıdy Egemen.kz.

«Rýhanı jańǵyrý» jobalyq keńsesiniń málimetteri boıynsha, eńbekte adamzattyń rýhanı qubylysynyń fılosofııalyq, teorııalyq jáne ony zertteýdiń ádisnamalyq máseleleri júıeli túrde kórsetilgen. Onyń asa qundy negizi – «rýh», «rýhanııat», «rýhanııattylyq» qubylystarynyń álem fılosofııasynyń mazmuny turǵysynan taldanyp, ashylǵan. Adamzat tarıhyndaǵy osy máselege qatysty oılar men danalyq paıymdar tuńǵysh ret qazaq tilinde júıeli túrde keltirilgen.

Sonymen qatar oqýlyqta qazaq halqynyń tarıhyndaǵy rýh máselesiniń bastaýlary, damý kezeńderi, qazirgi máseleleri qarastyrylǵan.

Kitap «Teorııalyq jáne ádisnamalyq izdenister», «Ejelgi dúnıetanymdardaǵy rýhanıattylyq bastaýlary», «Batys Eýropa elderi fılosofııasyndaǵy rýhanıattylyq máselesiniń damýy» jáne «Protoqazaq-qazaq rýhanıattylyǵy» atty bólimder men 11 taraýdan turady, - delingen habarlamada.

Sarapshylardyń aıtýynsha, oqýlyq óte kúrdeli jáne kókeıtesti máselelerdi asa aktýaldy teorııalar turǵysynan kórsetken. Bul jumystyń zamanaýı áleýetin joǵary kóterýge yqpal etedi.Konseptýaldy oqýlyq orta arnaıy jáne joǵary oqý oryndarynyń stýdentterine, magıstranttaryna, doktoranttaryna jáne osy taqyrypqa qyzyǵýshylyq tanytatyn barlyq oqyrman qaýymǵa arnalǵan.

Sońǵy jańalyqtar

Tergeýshilerdiń ustazy ulyqtaldy

Aımaqtar • Búgin, 19:35

Reseı ınvestorlary Atyraýǵa bet burdy

Aımaqtar • Búgin, 16:56

Erteń Úkimet otyrysy ótedi

Úkimet • Búgin, 15:17

Qýatty qurylymnyń shýaqty merekesi

Qazaqstan • Búgin, 14:15

Naýryz aıynda aýa raıy qandaı bolady?

Aýa raıy • Búgin, 13:30

Uqsas jańalyqtar