"Qazir kóńil kúıim kóterińki, dene qyzýym da 36,6 bolyp tur. Onyń basty sebebi test nátıjesi teriske shyqty. Endi Ýkraına prezıdentiniń keńsesi ornalasqan kóshede jumys istep jatyrmyz", deıdi Ýkraına prezıdenti.
Esterińizge sala keteıik, buǵan deıin V.Zelenskıı 9 qarasha kúni qaýipti indetti juqtyryp alǵanyn habarlaǵan edi. Dál osy jaıttan keıin prezıdent keńsesiniń basshysy Andreı Ermak ta shaldyqqan bolatyn. Al 12 qarashada onyń keńesshisi Mıhaıl Podolıak prezıdent pen Ermak Kıevtegi Feofanııa aýrýhanasynda em-dom qabyldap jatqanyn málimdedi. Sondaı-aq búgin A.Ermaktyń koronavırýsqa qatysty test synamasy teris shyqqanyn, ol da ádettegideı jumysyna oralǵanyn aıtty.
Eldiń densaýlyq saqtaý mınıstrligi Ýkraınadaǵy indet kezinde 635 689 adamda koronavırýs anyqtalsa, onyń 291 060-y jazylyp shyqqan. Al 11 075-sinde ólim jaǵdaıy tirkelgen.
