“Ústirt tabıǵı qoryǵynda alabarys (leopard) fototuzaqqa túsip qaldy. Aldyńǵy Azııa leopardy qoryq aýmaǵyna kórshi Túrkimenstannan kelgen sııaqty”, - dep jazdy mınıstr Twitter paraqshasynda.
“Álemde popýlıasııasy 870-1,3 myńnan aspaıtyn ań Qazaqstanda tek Ústirtte ǵana kezdesip turady. Sondyqtan qoryqty tıisti kúıinde saqtap, onyń terrıtorııasynda jáne basqa da erekshe qorǵalatyn tabıǵı aýmaqtarda tabıǵat qorǵaý sharalaryn qatań saqtaý óte mańyzdy”, - dep atap ótti mınıstr.
Qazaqstanda aldyńǵy Azııa alabarysyn baqylaýmen Ústirt qoryǵynyń qyzmetkerleri men CADI jobasy aıasynda Bıoalýantúrlilikti saqtaý qaýymdastyǵy aınalysady.
“Qazir mamandar janýardy Qazaqstannyń Qyzyl kitabyna engizý jóninde negizdeme daıyndap jatyr”, - dep jazdy Maǵzum Myrzaǵalıev.
