Aımaqtar • 24 Qarasha, 2020

Atyraýda áskerı bólimder 600-ge jýyq jas sarbazben tolyqty

70 ret kórsetildi

"Batys" óńirlik qolbasshylyǵy baspasóz qyzmetiniń málimetinshe, áskerı bólimderde  jańadan kelgen jas sarbazdarmen alǵashqy áskerı daıyndyq bastaldy, dep habarlaıdy Egemen.kz.

Áskerı bólimderge ár aımaqtan 600-ge jýyq bozbala ásker qataryna shaqyryldy. Jas sarbazdarǵa tájirıbeli ofıserler men serjanttar quramynan aldyn-ala oqý jıynynyń ákimshiligi taǵaıyndaldy. Ákimshilik quramy olarǵa áskerı qyzmetke  beıimdelýge kómektesip, áskerı istiń negizderin úıretýde.

"Jastardyń alǵashqy áskerı daıyndyǵyn jetildirý 24 kúnge sozylatyn birneshe kezeńnen turady. Oqý-jattyǵýdyń osy kezeńinde sarbazdar áskerı qyzmettiń maqsatyn meńgerýi, bólimniń kún tártibin, reglamenti men áskerı qyzmetshilerdiń, kezekshilik qyzmettiń mindetterin jattaıdy. Sonymen qosa, jeke qarý-jaraq pen áskerı tehnıkanyń jalpy qurylymyn, jaýyngerlik múmkindikterin, dene shynyqtyrý jattyǵýlaryn oryndaýdy meńgerýi kerek" deıdi jas sarbazdar jıynynyń bastyǵy, maıor Rınat Sharıpov.

Atyraý garnızonynyń áskerı bólimine bolashaq barlaýshylar shaqyrylǵan. Irikteý kezinde olardyń barlyǵy muqııat medısınalyq jáne psıhologııalyq irikteýden ótti.

"Men áskerge óz qalaýymmen keldim. Barlaý bólimine túskenimizge óte qýanyshtymyz. Sarbazdar atys, taktıkalyq jattyǵýlar men keshendi dene daıarlyǵyn bastalýyn taǵatsyzdana kútýde. Komandırler men nusqaýshylar bizdi bárine kezeń-kezeńimen daıyndap jatyr. Bul jerde biz úshin barlyq jaǵdaılar qarastyrylǵan", deıdi qatardaǵy jaýynger Aıbar Omarov.

Jas sarbazdar Tuńǵysh Prezıdenti kúni – 1 jeltoqsanda áskerı ant qabyldaıdy.

 

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar