Nurlan Nyǵmatýlın birinshi kezektegi áleýmettik suraq osy astyq máselesi ekenin aıtty.
"Sońǵy kezde pandemııaǵa baılanysty kóptegen memleketter shekteý rejimderin engizdi. Saýda-ekonomıkalyq baılanystar azaıdy. Bul jaǵdaı, árıne, azyq-túlik máselesine de áser etedi. Al, astyq máselesi – ol birinshi kezektegi áleýmettik suraq. Sondyqtan osy Zań jobasynda qaralǵan astyq qorlaryn saqtaýdy memlekettik qamtamasyz etý, osy saladaǵy operatordyń mártebesin anyqtaý týraly normalar óte mańyzdy, búgin óte kerek nárse", deıdi Májilis spıkeri.
Depýtattardyń bastamasymen ázirlengen zań jobasy tabıǵı jáne tehnogendik sıpattaǵy tótenshe jaǵdaılar týyndaǵan, tótenshe jaǵdaı engizilgen kezde eldi azyq-túlik astyǵymen kepildi túrde qamtamasyz etý, sondaı-aq "Azyq-túlik kelisimshart korporasııasy" ulttyq kompanııasy" aksıonerlik qoǵamynyń mártebesi men rólin zańnamalyq turǵydan aıqyndaý maqsatynda ázirledi.
