Qoıylymda Mysyr men Sırııanyń mámlúk sultany bolǵan Beıbarystyń taǵdyry kórsetiledi. Taǵdyrdyń qalaýymen bala týǵan úıinen jyraqtap, jaldamaly jaýynger-mámlúk bolý úshin qul bazarynda satylǵan. Áskerı iste tabysqa jetken Beıbarys ýaqyt óte kele áskerdi ǵana emes, búkil eldi basqarǵan. Osylaısha tarıhtaǵy jańa belesti bastaǵan.
Baletti qoıýǵa Qazaqstannyń talantty óner qaıratkerleri atsalysty. Mysaly, lıbrettony aqyn, Qazaqstannyń eńbek sińirgen qaıratkeri Baqyt Qaıyrbekov jazsa, Hamıt Shanǵalıev pen Álibek Álpıev mýzykamen árledi. Qoıýshy-horeograf Mýkaram Avahrı - QR eńbek sińirgen qaıratkeri, "Astana Balet" teatrynyń bas baletmeısteri. Qoıýshy-horeograftyń kómekshisi - Aıjan Júnisova. Sondaı-aq qoıylymǵa halyqaralyq jobalarymen tanymal, sheteldik bilikti mamandar ssenograf jáne qoıýshy-sýretshi Leonıd Basın pen kostıýmder árleýshisi Asıa Soloveva at salysty.
"Balet pen ulttyq bıdi damytý jáne qoldaý" qorynyń tarıhı balet qoıý týraly ıdeıasy "Samuryq-Qazyna" AQ qoldaýymen júzege asyrylýda.
Qoıýshy-horeograf Mýkaram Avahrıdiń aıtýynsha, bizge tanys sıýjetti jańa formada qoıa otyryp, tańsyq oılarǵa jeteleıdi.
"Sultan Beıbarys" baletiniń daıyndaǵy bir jyl buryn bastalǵan edi, biraq koronavırýs pandemııasyna baılanysty premerany birneshe ret keıinge qaldyrýǵa týra keldi. Joba avtorlary balet kórermenge jol tartqanǵa deıin túrli qyzyqtardy aıtyp, qazaq óner álemine jańa formattaǵy dúnıe bolatynyn aıtady.
Premera 4-5 jeltoqsan kúnderi "Astana Balet" teatrynda barlyq sanıtarlyq normalardy saqtaı otyryp ótedi. Adam sany shekteýli jáne maska taǵý mindetti.
Balettiń premerasy qarsańynda bolashaqta eldiń barlyq teatr oryndaryn biriktirýge jáne onyń qoǵamdaǵy rólin keńinen nasıhattaýǵa arnalǵan vteatre.kz jańa pılottyq platformasynyń iske qosylýy týraly da aıtylýda.
