О́ner • 25 Qarasha, 2020

Almatyda Adolf Adannyń "Korsar" baleti qoıylady

26 ret kórsetildi

Abaı atyndaǵy Qazaq memlekettik akademııalyq opera jáne balet teatry qoıylymnyń aldynda jýrnalıstermen kezdesip, oılarymen bólisti, dep jazady Egemen.kz   

Basty qoıýshy-baletmeıster, QR Halyq ártisi Gúljan Tútkibaevanyń zamanaýı horeografııalyq óńdeýindegi óshpes klassıka, ıtalıandyq sýretshi Vılıam Orlandıdiń ssenografııasy balet qoıylymyna aýqymdy romantıkalyq kórinis beredi, sheber salynǵan sahna men ansambldiń aýqymdylyǵy avantıýralyq shytyrman oqıǵaǵa keneltedi. Abaı atyndaǵy MAOBT sımfonııalyq orkestriniń qoıýshy-dırıjeri Erbolat Ahmedıarov bolmaq.

Adolf Adannyń sońǵy týyndysy "Korsar" Abaı atyndaǵy QMAOBT sahnasynda balet premerasynyń 165 jyldyǵy qarsańynda qoıylady.

Buryn "Korsar" QMAOBT sahnasynda 1996-2006 jyldar aralyǵynda bolǵan, alaıda bul jańa qoıylym emes, Novosıbırsk memlekettik akademııalyq opera jáne balet teatrynyń aýystyrylǵan nusqasy edi. Balettiń kórkemdik jetekshisi Vladımır Vladımırovtyń horeografııasyndaǵy spektakl barlyq dekorasııalarymen, kostıýmderimen, jaryq jáne mýzykalyq sheshimderimen bizdiń teatrǵa syıǵa tartyldy. Táýelsiz el retinde qaıta qurylýdyń qıyn jyldarynda mundaı syılyq úlken sán-saltanat bolyp sanaldy. Birtindep, dekorasııalar men kostıýmderdiń tolyq tozýyna baılanysty (spektakldi Novosıbırsk teatry sahnada birneshe jyl qoıǵannan keıin syıǵa tartty) qoıylym repertýardan alynyp tastaldy, degenmen ol árdaıym kórermenderdiń anshlagyn jınaıtyn.

– Búgin balet ónerin baǵalaýshylar úshin qazaqstandyq baletmeıster Gúljan Tútkibaevanyń "Korsar" spektakliniń jańa nusqasynyń tusaýkeseri balet merekesine aınalatyny sózsiz! –deıdi  Aıa Qalıeva, Abaı at. QMAOBT dırektory, QR eńbek sińirgen qaıratkeri Aıa Qalıeva.

"Korsar" baleti – bir jarym júz jyldan astam ýaqyt boıy álemdik mýzykalyq klassıka qorjynynda jarqyn injý bolyp sanalady. Adolf Adannyń taǵy bir áıgili jaýhary "Jızel" baletimen qatar, ol álemdik balet repertýarynyń altyn qoryna kiredi. Lıbrettonyń negizinde Baıronnyń attas poemasy jatyr.

– "Korsardyń" alǵashqy qoıylymynan beri 160 jyldan astam ýaqyt ótti jáne birtalaı qoıylymdar boldy. Olardyń negizin avtordyń ózi, túrli mýzykanttar men kompozıtorlar orkestrlegen Adolf Adannyń mýzykasy qurady. Sonymen qatar, rejısserler balet ónerin Mınkýs, Drıgo, Dvorjak, Chaıkovskıı, Kornblıt jáne basqa da kompozıtorlardyń mýzykasymen tolyqtyrdy. Álemde "Korsar" baletiniń orkestrleriniń 4-5 nusqasy bar. Jańa qoıylymda biz orkestrdiń basqa, neǵurlym tolyq jáne qyzyqty dybysyn alýǵa tyrystyq. Bizdiń nusqamyzdyń ereksheligi – Adolf Adannyń "La Poupee de Nuremberg" ("Nıýrnberg qýyrshaǵy") operasyna ývertıýrany qoldanǵan mýzykalyq úziliske arnalǵan qosymsha nómir. "Korsar" baletiniń jańa qoıylymy bizdiń súıikti Almatymyzdyń, búkil Qazaqstannyń mádenı ómirindegi jarqyn oqıǵaǵa aınalatynyna jáne kórermenniń ystyq yqylasyna bólenetinine senimdimin, – deıdi  Erbolat Ahmedıarov.

Teatrdyń balet trýppasynyń jetekshi solısteri sahnada korsarlardyń tarıhyn somdaıdy. Balet sıýjeti áserliligi men serpindiligi sonshalyq, eshkimdi beıjaı qaldyrmaıtyny sózsiz.

"Korsar" baletin búkil álem bolyp jaqsy kóremiz. О́ıtkeni, bul ólmes klassıka. Bul spektakldiń kóptegen nusqalary bar. Biz ózimizdiń teatrymyz úshin, trýppamyz úshin, solısterimizge akterlik daryny men tehnıkalyq múmkindikterin barynsha aıqyn kórsetýge múmkindik beretin óz nusqamyzdy usynǵymyz keledi. "Korsar" – bul romantıkalyq-shytyrman oqıǵaly balet. Meniń mindetim – dınamıkalyq, jandy, túrli-tústi, qyzyqty, zamanaýı spektakl qoıý. Biz kórermen ózin is-árekettiń ajyramas bóligi retinde jáne osy spektakldiń ishinde júrgendeı sezingenin qalaımyz. Baletke arnalǵan kostıýmderdi Reseıdiń Halyq sýretshisi Vıacheslav Okýnev jasady. Ádettegideı, olar ózderiniń erekshe stılimen erekshelenedi. Ssenografııany ıtalıandyq sýretshi Ýılıam Orlandı ázirledi. Onyń ıdeıasy biz úshin múldem basqa, qaıtalanbas dekorasııanyń qurylysyn júzege asyrdy, onyń ereksheligi – dekorasııalardyń spektakl kezindegi qozǵalysy. Bul spektaklge sahnalyq keńistik pen dınamıkanyń jańa sezimin syılaıdy, al qoıylymdy beınematerıalmen qanyqtyrý balettiń shynaıy ári kórkemdik tutas qabyldaýyn qalyptastyrady", deıdi Gúljan Tútkibaeva, qoıýshy-horeograf, QR halyq ártisi.

Arte galereıasynda tusaýkeser kúnderi tanymal qazaqstandyq fotograf Nıkolaı Postnıkovtyń kostıýmderi men sýretteriniń kórmesi ótedi. A.Adannyń "Korsar" baletiniń baspasóz kórsetiliminen keıin BAQ ókilderine arnalǵan Talk Show ótedi, onda ártister men qoıylym toby spektakldegi shyǵarmashylyq jumystyń qupııalarymen bólisedi.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar