Jobanyń maqsaty – qazaq memlekettiligin qalyptastyrýda eleýli jetistikterimen tanylǵan qazaq halqynyń tarıhyndaǵy uly tulǵalardyń, sonyń ishinde Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń róli men qyzmetin nasıhattaý.
Atalǵan joba aıasynda eń aldymen belgili memleket, qoǵam jáne mádenıet qaıratkerleriniń qatysýymen «Birinde – Birinshi Tulǵa jóninde» atty dóńgelek ústel uıymdastyryldy.
Saltanatty basqosýda sóz alǵan Ulttyq mýzeıdiń dırektory Arystanbek Muhamedıuly: «Elbasymyz – táýelsiz Qazaqstannyń ǵajap arhıtektory. Sebebi Nursultan Nazarbaevtyń júıeli júrgizgen sarabdal saıasatynyń arqasynda tamyrly tarıhymyz jańasha jańǵyrdy. 30 jyldyń ishinde el ómiriniń barlyq salalary túrlendi», dedi.
О́z kezeginde belgili memleket jáne qoǵam qaıratkeri, fılologııa ǵylymdarynyń doktory, professor Myrzataı Joldasbekov: «Elbasy N.Nazarbaev táýelsiz Qazaqstandy osy deńgeıge jetkizýde eren eńbek sińirdi. О́ıtkeni kez kelgen eldi álemge tanytýdan góri, ony moıyndatý qıynǵa soǵady. Bir sózben aıtqanda, Elbasy – teńdesi joq erlikpen, danalyqpen jarqyn bolashaqtyń irgetasyn qalaǵan dara tulǵa», dep atap ótti.
Dóńgelek ústel barysynda qoǵam qaıratkeri, tarıh ǵylymdarynyń doktory, professor О́mirzaq Ozǵanbaev, qoǵam qaıratkeri Orazkúl Asanǵazy, satırık-jazýshy Kópen Ámirbek, Qazaqstannyń eńbek sińirgen ártisi Maıra Ilııasova, Ulttyq akademııalyq kitaphana dırektory Úmithan Muńalbaeva sóz sóılep, Elbasy N.Nazarbaevtyń basshylyǵymen júrgizilgen saıası, áleýmettik, ekonomıkalyq reformalarǵa toqtalyp, olardyń qoǵam úshin mańyzyn ashyp kórsetti.
Dóńgelek ústel aıaqtalǵan soń Ulttyq mýzeıdiń qorynan jasaqtalǵan «Uly dalanyń uly tulǵalary» kórmesi jáne tanymal qazaqstandyq fotograf Turar Qazanǵapovtyń «Birinde – Birinshi Tulǵa jóninde» jeke fotokórmesi ashyldy.
Tusaýkeser rásiminde talantty fotograf Turar Qazanǵapov, «Orda FM» radıosynyń bas dırektory Erjan Júnisov sóz sóılep, Elbasymyzdyń qoǵamdy demokratııalandyrý ınstıtýtyn nyǵaıtýdaǵy, halyqty biriktirý prosesindegi, beıbitshilik pen kelisimdi nasıhattaýdaǵy rólin atap ótti.
«Uly dalanyń uly tulǵalary» atty kórmede álemdik mádenıet pen órkenıettiń damýynda eleýli iz qaldyrǵan Ábý Nasyr ál-Farabı, Qurmanǵazy Saǵyrbaıuly, Abaı Qunanbaev, Jambyl Jabaev, Nursultan Nazarbaev jáne basqa da kóptegen tarıhı tulǵaǵa arnalǵan kórkem shyǵarmalar usynyldy.
Al Turar Qazanǵapovtyń «Birinde – Birinshi Tulǵa jóninde» jeke fotokórmesinde avtordyń táýelsiz Qazaqstandy damytý men nyǵaıtýǵa eleýli úles qosqan Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń ómiri men eńbek jolyna arnalǵan 40-tan astam týyndysy usynyldy.
