Qoǵam • 01 Jeltoqsan, 2020

Aqtóbede otbasylar baspanaly boldy

275 ret kórsetildi

Tuńǵysh Prezıdent kúnine oraı Aqtóbe qalasynyń Nur-Aqtóbe turǵyn úı alabynda jańadan salynǵan 256 páterlik turǵyn úı paıdalanýǵa berildi, dep habarlaıdy Egemen.kz

Búgin osy úıden óńir basshysy Ońdasyn Orazalın 30 otbasyna páter kiltterin tabystady. Olardyń arasynda Uly Otan soǵysynyń ardageri, kóp balaly, ata-anasyz qalǵan jasóspirimder men az qamtylǵan 30 otbasy bar dep habarlaıdy egemen.kz.   

– Ár adamnyń óz  otbasymen birge ósip-ónetin jeke shańyraǵy, jaıly qonysy bolýy ómirindegi eń mańyzdy jaıt. Mine, sizder úshin búgingi kún qýanyshqa toly bolyp otyr. Mereke kúni kirgeli otyrǵan shańyraqtaryńyzdyń ishi qut-berekeli bolyp, ósip kele jatqan jas balalarymyz bilimdi ári bilikti azamat bolyp erjetsin, elin súıetin patrıoty bolyp óssin degen tilek bildiremin. Jańa baspanaly bolǵan jas shańyraqtardyń kóbeıýi de memleketimizdiń kúnnen-kúnge damyp, ál-aýqatynyń ósip jatqanyn bildiredi. Halqymyzdyń bereke-birligi men Memleket basshysynyń júrgizip otyrǵan sarabdal saıasatynyń, el azamattarynyń aýyzbirshiligi arqasynda  kóptegen ıgilikti ister atqarylyp jatyr. Jyl ótken saıyn qalamyzdyń aýmaǵy keńeıip, jańa baspanaǵa degen turǵyndardyń suranysy da artyp kele jatqanyna ózderińiz kýá bolyp otyrsyzdar. Biz bar kúsh-jigerimizdi jumyldyryp, qala turǵyndarynyń jyly ári jaıly úıde alańsyz ómir súrýine qolaıly jaǵdaı jasaýǵa tyrysamyz. Bul jerde ýaqytpen sanaspaı, az merzimde osyndaı sapaly úıdi turǵyzǵan qurylysshylarǵa da alǵysymdy bildiremin, – dedi oblys ákimi jańa qonys ıelerin quttyqtaý sózinde.

Búginde  Aqtóbe qalasy boıynsha  turǵyn úı kezegine 24 myńnan astam adam tirkelse, óńirde túrli baǵdarlamalar arqyly baspanaly bolý joldary da qarastyrylyp keledi. Sonyń ishinde jastar úshin eń  tıimdisi – el Úkimeti qabyldaǵan "Baqytty otbasy" baǵdarlamasy. Qazirgi ýaqytta Aqtóbe oblysynda 276 jas otbasy osy baǵdarlama aıasynda  jalpy somasy 2,37 mlrd teńgege  ıpotekalyq nesıe rásimdep, jańa qonysqa kirdi.

Sondaı-aq Ekinshi dúnıejúzilik soǵysynyń ardageri, 96 jastaǵy qala  turǵyny Ánýar Ahmetzııanov ta qonys toıyn toılady. Ońdasyn Orazalın  aqsaqaldyń úıine arnaıy kelip  oǵan bir bólmeli páterdiń kiltin tabystady. Ekinshi dúnıejúzilik soǵysynyń ardageri Ánýar Ahmetzııanov kóp jyldar boıy aımaqtyń ósip-órkendeýi men áleýmettik-ekonomıkalyq damýyna zor úlesin qosqan jan.  Jasy júzge jaqyndaǵan  qarııa áli tyń, elimizde bolyp jatqan ıgilikti isterden habardar. Ol elimizdiń basty baılyǵy –halqymyzdyń tatýlyǵy pen tynyshtyǵy ekenin aıta kelip, óńir basshylyǵy men azamattardyń atqaryp jatqan qyzmetterine rızashylyǵyn bildirip, jańa páterge ıe bolyp jatqan jas otbasylarǵa batasyn berdi.

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar