О́ner • 04 Jeltoqsan, 2020

Qazaqstandyq fılm "Oskarǵa" usynyldy

124 ret kórsetildi

Qazaqstandyq "Uly dala zary" fılmi jyldyń basty kınojúldesine – gollıvýdtyq "Oskarǵa" usynyldy, dep habarlaıdy Egemen.kz

Kartına "Shet tilindegi úzdik fılm" nomınasııasy boıynsha konkýrstyń long-lıstine (úmitkerlerdiń uzaq tizimine) tústi. Fılmdi elimizdiń Kınematografıster odaǵy janyndaǵy Qazaqstannyń Oskar komıteti tańdady. Qazylar alqasynyń quramyna kıno óneriniń belgili qaıratkerleri kiredi: Asanáli Áshimov, Oleg Boreskıı, Farhat Ábdiraıymov, Farhad Sháripov, Arman Asenov, Satybaldy Narymbetov jáne Qanat Tórebaı.

Fılm prodıýseri Ernar Málikovtyń aıtýynsha, bıyl Qazaqstannan birden birneshe kartına amerıkalyq "Oskar" kınojúldesinde eldi tanystyrýǵa úmitker bolǵan. "Uly dala zaryna" qazylar alqasynyń jeti múshesinen tórteýi daýys bergen, ekeýi qarsy bolǵan, bireýi qalys qalǵan.

"Uly dala zary" kórkem fılmi Qazaqstannyń baıyrǵy turǵyndary bastan keshken naqty tarıhı oqıǵalarǵa negizdelgen. Kartınada 1920-30 jyldardaǵy asharshylyq týraly baıandalady, ol kezde 8,5 mıllıonǵa jýyq adam, ıaǵnı halqynyń 70 paıyzy ashtyqtan qyrylyp qalǵan edi. 1,5 mıllıonnan asa adam Otanyn tastap, basqa elderge qashýǵa májbúr bolǵan.

"Bizdiń fılm bes jyl boıy túsirildi. Onyń sebi - qarjylandyrýdyń joqtyǵynan. Bizge túsirilimge jáne postprodakshenge aqsha jetpedi. Qoldaýdy uzaq kúttik, tipti ýáde bergender boldy. Biraq sońynda bir tıyn da almadyq, sondyqtan jobaǵa barymdy salýǵa týra keldi. Osy ýaqyt aralyǵynda men barlyq múlikimdi sattym, qaryz aldym, páterimdi kepilge berdim. Alaıda osyndaı fılm túsirýge degen tilegim men qulshynysym maǵan jarty jolda toqtap qalmaýǵa kómektesti. Bul bizdiń qatygez zamanda ómir súrgen ata-babalarymyzdyń aldyndaǵy azamattyq paryzymyz", - dedi Ernar Málikov.

"Uly dala zary" premerasy jaqynda Los-Andjeleste ótken halyqaralyq Azııa kınofestıvalinde boldy.

"Bul kartınanyń negizinde tarıhı derekter jatyr, fılmde bári ómirdegideı kórsetilgen. Osy fılm arqyly biz qazaq halqynyń ótkeni týraly aıtqymyz keldi. О́ıtkeni kóptegen jyl boıy tarıhymyzdaǵy qatygez oqıǵalar únsiz qaldy. Kóp ýaqyt ótti, biraq bul týraly eshkim bilmeıdi. Ata-babalarymyz basynan ne ótkermedi? Biz kem degende "Oskardyń" qysqa tizimine kire alsaq, onda búkil álemge kóp nárse kórsete alamyz", - dedi Malıkov.

Budan buryn "Uly dala zary" fılmi "Altyn globýs" syılyǵynyń long-lıstine engeni belgili bolǵan. Kartına "Shet tilindegi eń jaqsy fılm" sanatyndaǵy syılyq úshin kúresedi.

Sońǵy jańalyqtar

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar