Taraz qalasynyń 72 jastaǵy turǵyny Qarataý qalasynda turatyn ulyna qonaqqa kelgen. Koronavırýs ınfeksııasynyń belgileri birer kúnnen soń aıqyn biline bastaıdy.
Dene qyzýy joǵary kóterilip, tamaqqa tábeti bolmaı, álsizdenip jaǵdaıy nasharlaı bergen. Naýqas Talas aýdandyq ortalyq aýrýhanasynyń provızorlyq stasıonaryna shuǵyl túrde jatqyzylady.
Oǵan qosa, naýqastyń qant dıabeti, arterııalyq gıpertenzııa, pankreatıt sekildi qosalqy sozylmaly aýrýlary bolǵan. Júrgizilgen emnen keıin de densaýlyǵy jaqsarmaǵandyqtan, aqyry ony jansaqtaý bólimine aýystyrady.
Dárigerlerdiń jedel júrgizilgen emdik sharalary men dári-dármektiń arqasynda qarııa biraz ýaqyttan soń ózine kelip, jazylyp shyǵady.
"Bul jaǵdaıdy bastan ótkizbeı, eshkim túsine almaıdy. Aýrýdyń bar ekenine senbeı júrgen azamattarǵa aıtarym: salǵyrttyq tanytpańyzdar. О́zińizdi oılamasańyz da, basqalarǵa zııanyńyz tımesin. Men kórgen qıyndyqty eshkimniń basyna salmasyn dep tileımin. Eń mańyzdysy – betperde taǵyp júrý kerek. О́zimniń atymnan barlyq dárigerler men meıirbekelerge, sheksiz rızashylyǵym men alǵys bildiremin", deıdi ol.
