Aımaqtar • 04 Jeltoqsan, 2020

Jemqorlyqqa qarsy reformalardyń úshinshi paketi óz tıimdiligin kórsetýde

22 ret kórsetildi

Sybaılas jemqorlyqqa qarsy is-qımyl agenttigi tóraǵasynyń Batys Qazaqstan oblysyna jumys sapary jalǵasyp jatyr, dep habarlaıdy Egemen.kz

4 jeltoqsanda Alık Shpekbaev memlekettik organdar, qarjy ınstıtýttary, tabıǵı monopolııalar sýbektileri, "Azamattarǵa arnalǵan úkimet" memlekettik korporasııasy ókilderiniń qatysýymen "bir tereze" qaǵıdaty boıynsha bızneske qajetti barlyq qyzmetterdi kórsetý úderisi ortalyqtandyrylǵan "Bızneske arnalǵan úkimet" front-keńsesiniń múmkindikterimen tanysty.

"Bıznesti qorǵaý jáne qoldaý – Agenttiktiń basty basymdyqtarynyń biri. Tek bıylǵy jyldyń 10 aıynda biz 300-ge jýyq kásipkerdiń quqyqtaryn qorǵap, memlekettik organdardyń kásipkerlik qyzmetke zańsyz aralasýynyń 160 faktisiniń jolyn kestik", dep atap ótti Shpekbaev.

Odan ári Antıkor tóraǵasy Protecting business and investments jobasy aıasynda jemqorlyqqa qarsy súıemeldenetin "Kýbleı" jáne "Kvant" oblystyq kásiporyndarynyń óndiristik úderisimen jáne ónimderimen tanysty. Aıta ketý kerek, eki jyl ishinde óńirde jalpy quny 853 mlrd teńgeni quraıtyn jobalardy jemqorlyqqa qarsy súıemeldeý týraly 22 kelisimge qol qoıyldy.

1

"Elbasy atap ótkendeı, ekonomıkanyń 60-70% shetelderdegideı jeke qolda bolýy tıis. Buǵan qol jetkizý úshin biz jumys istep turǵan bıznesti qorǵap qana qoımaı, bolashaq kásipkerlerge jaıly, turaqty jáne sybaılas jemqorlyqtan taza kásipkerliktiń barlyq jaǵdaılary bar ekenin jáne jyl saıyn tek jaqsara túsetinin kórsetýimiz kerek", dep málimdedi ınvestorlarmen kezdesýde A.Shpekbaev.

Agenttik basshysy Jáńgir han atyndaǵy Batys Qazaqstan agrarlyq-tehnıkalyq ýnıversıtetinde, Servıs jáne jańa tehnologııalar kolledjinde bolyp, sondaı-aq geoportaldy damytýǵa, mobıldi qosymshalar arqyly memlekettik qyzmetterdi sıfrlandyrýǵa jáne oblys ákimdigine servıstik úlgini engizýge belsendi qatysatyn "Aqjaıyq-adaldyq alańy" jobalyq keńsesiniń qyzmetimen tanysty.

Ata-analary bas tartqan erekshe qajettilikteri bar balalar da nazardan tys qalmady. A.Shpekbaev pen qoǵam ókilderi Kóshim arnaýly áleýmettik qyzmet kórsetý ortalyǵyna baryp, olar ómir súrý jaǵdaıymen tanysty.

Batys Qazaqstan oblysyna eki kúndik jumys sapary azamattyq sektor ókilderimen, oblys aktıvimen, bıznes-qoǵamdastyqpen jáne jýrnalıstermen kezdesýmen qorytyndylandy. Onyń barysynda A.Shpekbaev sybaılas jemqorlyqqa qarsy zańnamanyń ózekti novellalary men Agenttiktiń bir jyldaǵy jumysy týraly egjeı-tegjeıli aıtyp berdi.

1

Kezdesý barysynda spıker: "Qazirgi ýaqytta Prezıdenttiń sybaılas jemqorlyqqa qarsy reformalarynyń úshinshi paketin Májilis maquldap, Senatqa berdi. Bul jemqorlarǵa aıtarlyqtaı áser etetin eń myqty túzetýler. Atap aıtqanda, sheneýnikter úshin sheteldik bankterdegi shottarǵa tyıym salynady, aýyr jáne asa aýyr sybaılas jemqorlyq qylmystary boıynsha shartty túrde merziminen buryn bosatý joıylady. Al quqyq qorǵaý organdarynyń qyzmetkerleri men sýdıalar budan bylaı laýazymdy tulǵalardyń basqa sanattaryna qatysty sybaılas jemqorlyq qylmysy úshin kóbirek jaza alatyn bolady", dep málimdedi.

Azamattyq qoǵam ókilderiniń negizgi máseleleri turǵyn úı alý, halyqqa áleýmettik járdemaqy berý, jumysqa ornalastyrý jáne kásipkerlikke qatysty boldy.

Alık Shpekbaev aýdannyń ár turǵynyn tyńdap, azamattardyń túıtkildi máselelerin sheshý boıynsha tıisti jaýaptar men tapsyrmalar berdi.

Sońǵy jańalyqtar

Almatyda balmuzdaq baıqaýy ótti

Aımaqtar • Búgin, 17:00

Almaty «qyzyl» aımaqqa kirdi

Aımaqtar • Búgin, 16:50

Tarazda jasyryn oıyn orny anyqtaldy

Aımaqtar • Búgin, 16:26

Aqtaýda býynsyz bala turady

Vıdeo • Búgin, 16:04

iPhone 12 densaýlyqqa zııan dep tanyldy

Tehnologııa • Búgin, 15:38

Jańa Lada Niva kóligi qurastyrylýy múmkin

Tehnologııa • Búgin, 15:26

Semeıde eki avtobýs jol apatyna tústi

Aımaqtar • Búgin, 15:18

Qudyqqa qulaǵan qunandy qutqaryp qaldy

Aımaqtar • Búgin, 13:38

Arysta joǵalǵan bir úıir jylqy tabyldy

Aımaqtar • Búgin, 13:25

Dollar qymbattady

Ekonomıka • Búgin, 11:35

Uqsas jańalyqtar