Parlament • 08 Jeltoqsan, 2020

Senatorlar Úkimettiń halyqaralyq qarjy uıymdarynan qaryz alý týraly kelisimderin zerdeledi

280 ret

kórsetildi

1 mın

oqý úshin

Senattyń Qarjy jáne bıýdjet komıtetiniń keńeıtilgen otyrysy boldy. Onda depýtattar "Qazaqstan Respýblıkasy men Azııa Damý Banki arasyndaǵy Qaryz týraly kelisimdi ratıfıkasııalaý týraly" jáne "Qazaqstan Respýblıkasy men Azııa Infraqurylymdyq Investısııalar Banki arasyndaǵy Qaryz týraly kelisimdi ratıfıkasııalaý týraly" zań jobalaryn qarady, dep habarlaıdy Egemen.kz

Aıym DÁÝIT

Senatorlar Úkimettiń halyqaralyq qarjy uıymdarynan qaryz alý týraly kelisimderin zerdeledi

Kelisimderde Covid-19 pandemııasynyń saldaryna qarsy kúres, áleýmettik qorǵaý jáne jumyspen qamtýdy qalpyna keltirý, sondaı-aq ekonomıkany údetý jónindegi sharalardy qarjylandyrý úshin elimizdiń Azııa Damý Banki men Azııa Infraqurylymdyq Investısııalar Bankinen qaryzdar alýy kózdelip otyr.

Senatorlar sonymen qatar «1999 jylǵy 8 qazandaǵy Erkin saýda aımaǵyn qurý týraly kelisimge qatysýshy memleketterdiń arasynda tasymaldanatyn taýarlardy kedendik resimdeýdiń jáne kedendik baqylaý tártibi týraly kelisimge ózgerister engizý týraly hattamany ratıfıkasııalaý týraly» zań jobasyn talqylady.

Qujat TMD-da shyǵarylǵan taýarlardyń elin anyqtaýda biryńǵaı erejelerdi belgileıdi.

Zań jobasyn qabyldaý kedendik resimdeý men baqylaý tártibin ońaılatýǵa múmkindik beredi, taýarlardy ótkizýdi jedeldetedi jáne TMD elderiniń keden organdary arasynda ótkiziletin taýarlardy baqylaýǵa ketetin ýaqytty qysqartady.

Zań jobalary Palatanyń qaraýyna jiberildi.