Konkýrs azamattardy, bıznes-qurylymdar ókilderin, mesenattardy, úkimettik emes uıymdar men volonterlerdi týǵan jerin damytýǵa yntalandyrý jáne kótermeleý maqsatyndaǵy qaıyrymdylyq ıdeıalaryn nasıhattaýǵa baǵyttalǵan.
Saltanatty sharaǵa Qazaqstan Respýblıkasynyń Aqparat jáne qoǵamdyq damý mınıstri Aıda Balaeva, 17 oblystyń ákimderi, qaıyrymdylyq, volonterlik uıymdardyń jáne kásipkerlik salasynyń ókilderi qatysty.
Konkýrs qorytyndysy boıynsha týǵan jerge iri áleýmettik jobalardy júzege asyrǵany úshin, az qamtylǵan kópbalaly otbasylarǵa, jetim balalar men ata-anasynyń qamqorlyǵynsyz qalǵan balalarǵa, múgedekterge, Uly Otan soǵysynyń ardagerlerine, zeınetkerlerge «Jyl mesenattary» nomınasııasy boıynsha aqysyz kómek kórsetkeni úshin «Altynsarıno» JShS dırektory Borıs Knıazev (Qostanaı oblysy), «OtauGroup» holdınginiń prezıdenti Qaırat Moldaseıitov (Shymkent q), «Temirlan» JShS basshysy Erlan Alın (Aqmola oblysy), «О́mirzaq-Servıs» JShS dırektory Marat О́mirzaqov (Atyraý oblysy), «Assortı 2» sharýa qojalyǵynyń basshysy Igor Shevchenko (Shyǵys Qazaqstan oblysy)» marapattaldy.
«Jyl tulǵasy» nomınasııasy boıynsha belsendi azamattyq ustanymy, ártúrli baǵyttaǵy aýqymdy qaıyrymdylyq qyzmeti úshin «BI group» qurylys holdıngi quryltaıshysy Ashat Omarov (Nur-sultan q.), «BI Group» kompanııasy dırektorlar keńesiniń tóraǵasy Aıdyn Rahymbaev (Nur-sultan q.), «Dıal stroı» JShS Bas dırektory Ǵabıt Mamatraıymov (Almaty q.), «Korporasııa «Bereke» A» JShS Bas dırektory Ráshkúl Ospanalıeva (Shymkent q.), «Iýtarııa ltd» JShS kompanııalar tobynyń Bas dırektory Sáýle Sháýenova (Qaraǵandy oblysy) júldeger atandy.
Densaýlyq saqtaý, mádenıet, bilim jáne sport salasynda demeýshilik kómek kórsetýge baǵyttalǵan áleýmettik jobalardy iske asyrǵany úshin jáne eldi mekenderdi abattandyrýǵa, saıabaqtardy, gúlzarlardy, eskertkishterdi, balalar oıyn alańdaryn qaıta qurý men salýǵa atsalysqan «Maksımovskoe» JShS dırektory Aleksandr Zakýsılov (Aqmola oblysy), «Aq Orda korporasııasy» JShS dırektory Sadýlla Qalybekov (Shymkent q.), «SHP Baıdaly-2» JShS dırektory Marat Ýrazalın (Aqmola oblysy), «Blue-Star. PV» JShS quryltaıshysy Qoblanbek Qojın (Pavlodar oblysy), kásipker Rýslan Valerdınov (Almaty oblysy), «Týǵan ólke» nomınasııasymen marapattaldy.
Áleýmettik mańyzy bar jobalardy, qaıyrymdylyq jobalardy, qaıyrymdylyq kómektiń jańa tıimdi túrlerin engizgeni jáne áleýmettik mańyzy bar is-sharalarǵa bas demeýshilik kórsetkeni úshin «Jyldyń úzdik uıymy» nomınasııasynyń jeńimpazy «Nord» kompanııasynyń fılıaly - Nur-Sultan qalasynyń «Jas Otan» jastar qanatymen Caspian Operating Company NV»,«NIET.WOMAN»ÚEU áıelder bastamalary qoǵamdastyǵy, «Jas Jaýynger» saýyqtyrý klýby, «Olja Agro» JShS tanyldy.
«Eren eriktilik» nomınasııasy boıynsha volonterler is-sharalaryna belsendi qatysqany úshin Shyǵys Qazaqstan oblysy volonterler qozǵalysy ortalyǵynyń tóraıymy Ásemgúl Kalımoldına, Qazaqstan halqy Assambleıasy janyndaǵy «Jańǵyrý joly» RJQ qalalyq shtaby tóraǵasynyń orynbasary Nargızam Mahmýdova (Nur-Sultan q.), mýzyka muǵalimi, volonter Qudaıbergen Sultanııarov (Batys Qazaqstan oblysy), «GrIn» Qostanaı oblysynyń Azamattyq alıans QQ volonteri Janseıit Jumatuly Qurmanǵalıev (Qostanaı oblysy), «Qazaqstan volonterler lıgasynyń» tóraǵasy Aıdana Serikqyzy Esirkep (Túrkistan oblysy) marapattaldy.
Syılyqtyń barlyq jeńimpazdaryna estelik statýetkalar men dıplomdar tabystaldy.
