Jezqazǵan qalasynda Baýyrjan Baıbek "Kazakhmys Smelting" mys qorytý zaýytynyń qyzmetkerlerimen kezdesti. Ol munda óndiriste eńbek quqyǵynyń saqtalýy, jańa jumys oryndaryn ashý, jalpy qalanyń damýy týraly máselelerdi talqylap, oı bólisti.
Fılıal basshylyǵynyń aıtýynsha, pandemııa jaǵdaıynda óńir ekonomıkasy qalypty kúıde ustalyp, qyzmetkerlerdiń jappaı jumystan bosatylýyna, jastar jumyssyzdyǵynyń ósýine jol berilmegen. Áıtse de, COVID-19-ǵa baılanysty ahýal eńbek naryǵyna óz áserin tıgizbeı qoımady. Týrızm, mádenıet, sport, qoǵamdyq tamaqtaný, kólik jáne taǵy basqa salalar zardap shekti.
"Jańa syn-qaterlerdi eskere otyryp, "Nur Otan" partııasy eńbek naryǵynyń suranysyn eskere kele, jańa turaqty jumys oryndaryn ashý, kadrlardy qaıta daıarlaý boıynsha keshendi sharalardy qolǵa alady. Bul rette otandyq óndirýshilerge qoldaý kórsetýge, básekege qabiletti jáne ımportty almastyratyn ónimder shyǵaratyn jańa óndiris oryndaryn ashýǵa basymdyq beriledi. Bul mindetter bizdiń Jezqazǵan qalasy boıynsha qalalyq saılaýaldy baǵdarlamamyzda qamtylǵan. Ol qarasha aıynda halyqpen keńinen talqylaý negizinde qabyldanǵan bolatyn", - dedi Baýyrjan Baıbek.
Bıleýshi partııa Tóraǵasynyń birinshi orynbasary sol kúni jańa modýldi ınfeksııalyq klınıkada qalanyń medısına qyzmetkerlerimen de kezdesti.
"Densaýlyq saqtaý salasyndaǵy túıtkildi máselelerdi tyńdadym. Olardyń basym bóligi óńirlik saılaýaldy baǵdarlamany iske asyrý aıasynda óz sheshimin tabady. Bulardyń qatarynda qalalyq kóp beıindi aýrýhanaǵa kúrdeli jóndeý júrgizý, jas dárigerlerge arnalǵan jataqhana jáne basqa máseleler bar", - dep jazdy ol Facebook jelisindegi paraqshasynda.
Budan keıin Baýyrjan Baıbek óńirdiń jas belsendilerimen arnaıy kezdesý ótkizdi. Onyń aıtýynsha, bul jastardyń kópshiligi "Nur Otan"-nyń óńirlik praımerızinde jeńimpaz bolyp, qalalyq máslıhat saılaýyna arnalǵan partııalyq tizimge engen. Jalpy, Jezqazǵan boıynsha partııalyq tizim 60%-ke jańarsa, ondaǵy jastardyń úles sany 0-den 23%-ke ósti.
О́ńirge sapar barysynda "Nur Otan" partııasy Tóraǵasynyń birinshi orynbasary Ulytaý aýdanyna da at basyn burdy.
"Elbasy, partııa Lıderi N.Á. Nazarbaev erekshe atap kórsetkendeı, Ulytaý – qazaq halqynyń qasıetti óńiri. Sondyqtan tarıhı murany saqtaý jáne elimizdiń aýmaǵy jaǵynan eń iri aýdanyn ary qaraı damytý aldaǵy 5 jylǵa arnalǵan partııalyq mindetterde kórinis tapqan", - dedi ol.
Baýyrjan Baıbek jelidegi jazbasynda Memleket basshysy Q.K.Toqaevtyń óńirge jasaǵan saparlarynyń birinde "Ulytaý – halyqaralyq deńgeıdegi etnografııalyq týrızmniń ortalyǵy bolýy tıis", - degen tapsyrmasyn tilge tıek etti.
"Búginde munda birqatar jańa nysandar boı kóterip, vızıt-ortalyq pen stadıon salynǵan, birneshe saıabaq pen alleıa abattandyrylǵan. О́lketaný mýzeıiniń, ıppodrom men qonaq úıler qurylysy júrip jatyr. Sonymen birge, elimizdiń orta ǵasyrlyq arhıtektýralyq eskertkishteriniń biri – Joshy han kesenesiniń rekonstrýksııasymen tanystym. Altyn Ordanyń 750 jyldyǵy aıasynda tarıhı-mádenı keshenniń qurylysy júrgizilýde. Ony kelesi jyldyń jeltoqsan aıynda ashý josparlanyp otyr. Bul keshen de týrısterdi qyzyqtyratyn taǵy bir ǵajaıyp orynǵa aınalatynyna senimdimin", - dep túıindedi ol óz jazbasyn.
