Túrkııa men Reseıdiń joǵary oqý oryndaryn, Keńes Odaǵynyń eki márte batyry T.J.Bıgeldınov atyndaǵy Áýe qorǵanysy kúshteriniń Áskerı ınstıtýtyn bitirgen 20 túlek Shymkent qalasynda qyzmetin jalǵastyrady.
Laýazymǵa taǵaıyndalar aldynda túlekter mindetti túrde beıimdelý men sapqa qosylýǵa baǵyttalǵan arnaıy oqý kýrstarynan ótedi. Kýrs barysynda olar qyzmetke kirisý úshin baqylaý baǵdarlamalary boıynsha – tehnıkalyq, fızıkalyq, taktıkalyq jáne atys daıarlyǵynan testileý tapsyrýy mindetti.
Jıynnyń birinshi kúninen bastap jas leıtenanttar Áskerı-áýe kúshterine qarasty avıasııalyq bólimi men qyzmetteriniń kúndelikti oqý-jaýyngerlik daıarlyǵyna enip ketti.
Aıta ketsek, bólim basshylyǵy jas ofıserlerdi qyzmettik turǵyn úımen qamtamasyz etý, olardyń áıelderin jumysqa ornalastyrý jáne balalaryn mektepke deıingi jalpy bilim berý mekemelerinde oryndarmen qamtamasyz etý sııaqty jumystardy qarqyndy júrgizýde.
Sonymen birge, jıyn barysynda qaýipsizdik tehnıkasy men qyzmettik is-áreket negizderi boıynsha nusqaýlyqtar, kórneki jáne nusqaý-ádistemelik sabaqtar josparlanǵan. Synaqtardy tapsyryp, áskerı avıasııalyq tehnıkada jumys isteýge ruqsat alǵannan keıin ofıserler praktıkalyq ushýǵa kirisedi.
