Qazaqstannyń Rýmynııadaǵy Elshiliginde ótken Elshi Nurbah Rústemovtyń Rýmynııa Mádenıet mınıstri Bogdan Georgıýmen jáne Mádenıet mınıstrliginiń Memlekettik hatshysy Mıhaı Fırıkemen jumys kezdesýi barysynda mádenıet salasyndaǵy ekijaqty yntymaqtastyqtyń ahýaly men ony tereńdetýdiń keleshegin talqylandy.
Atap aıtqanda, taraptar 2021 jylǵa arnalǵan birlesken is - sharalar kestesin – “Abaı Qunanbaıuly – Mıhaı Emıneský” halyqaralyq poezııa festıvalin ótkizý jáne Nur-Sultan qalasyndaǵy Býharest skverinde rýmyn aqynynyń bıýstin ornatý, sondaı-aq onyń eńbekterin qazaq tiline aýdarý jáne Qazaqstanda kitap shyǵarý máselelerin talqylady.
Kezdesý sońynda qazaqtyń uly aqyny jáne oıshyly Abaıdyń 175 jyldyǵyn atap ótý kezinde ekijaqty mádenı baılanystardy damytýǵa qosqan eleýli úlesi úshin B. Georgıýǵa Abaı atyndaǵy mereıtoılyq medal tabys etildi.
