«Úshinshi jylý elektr stansasyn aıaqtaý syndy júıeli máseleler bar. Keler jyly onyń qurylysyn aıaqtamaıtyn bolsaq, onda taıaý ýaqytta jylý jetispeýshiligine qatysty qıyndyqtar týyndaýy múmkin», dedi ol Nur-Sultan qalalyq máslıhatynyń otyrysynda.
Sonymen qatar qala basshysy sýmen jabdyqtaýǵa qatysty da máselelerdiń bar ekendigin basa aıtty.
«Sýǵa qatysty úshinshi sorǵy-súzgi stansasyn salýymyz qajet. Áıtpese, taıaý ýaqytta sý tapshylyǵy oryn alady. Buǵan qosa, kárizdik tazartý qurylǵysyn da salýǵa tıispiz. Elordanyń qarqyndy damýyna, halyq, kólik sanynyń ósimine qatysty ózge de problemalardy aıtpaǵanda osy úsh másele júıeli sıpatqa ıe bolyp otyr. Árıne, munyń barlyq kólik, ınjenerlik, áleýmettik ınfraqurylymǵa júkteme túsiredi», dedi Altaı Kólginov.
