Polshada Qazaqstan Elshiliginiń qoldaýymen Abaı Qunanbaıulynyń 175 jyldyǵyna arnalǵan “Abaı fılosofııasy, poetıka, resepsııa” atty halyqaralyq ǵylymı semınar ótti. “Abaı oqýlary” ǵylymı semınary – Slýpsk qalasyndaǵy Pomeranııa akademııasynda Abaı atyndaǵy Qazaq mádenıeti men ǵylymy ortalyǵynda jyl saıyn ótkiziletin halyqaralyq is-shara retinde ótkizilýde.
Kezdesý onlaın formatynda Abaı atyndaǵy Qazaq ulttyq pedagogıgalyq ýnıversıteti jáne onyń kóp jyldyq seriktesi Pomeranııa akademııasymen birlese Qazaqstan, Polsha, Qyrǵyzstan jáne Ýkraına akademııalyq toptarynyń ókilderiniń qatysýymen uıymdastyryldy.
Elshi Álim Qırabaev kirispe sózinde Abaıdyń Qazaqstan halqy úshin erekshe rýhanı rólin atap ótip, qazirgi álem jaǵdaıynda onyń nusqaýlarynyń ózektiligin atap ótti.
Halyqaralyq semınar barysynda qatysýshylar “Abaı shyǵarmashylyǵyn zertteýdiń lıngvıstıkalyq aspektileri”, “Rýhanı jáne mádenı qundylyqtardy damytýdaǵy Abaıdyń úlesi men róli”, “Qara sózder” fılosofııalyq oılarynyń máni men maǵynasy “ jáne t.b. taqyryptarda ǵylymı baıandamalar jasady
