Ekologııa, geologııa jáne tabıǵı resýrstar mınıstrliginiń qoǵammen baılanys departamentiniń dırektory Samal Ibraeva motorly qaıyqta otyrǵan birneshe adamnyń jabaıy úırekterdi sýǵa batyryp jatqany týraly vıdeoǵa qatysty pikir bildirdi.
Onyń aıtýynsha, bul beınejazbany Ekologııa mınıstrliginiń Orman sharýashylyǵy jáne janýarlar dúnıesi komıteti ishki ister departamentine mán-jaıdy túsindirý jáne adamdardyń kim ekenin anyqtaý úshin jiberdi.
"Bul degenińiz masqara! Qarap otyryp, adamnyń júregi aýyrady. Bul adamǵa tán qasıet emes! Mundaı jaǵdaıda ekologııalyq mádenıet deńgeıi týraly aıtýdyń ózi artyq! Endi mundaıǵa jol berilmeýi kerek! Mundaı áreket úshin jazalaý kerek!", deıdi departament dırektory.
Dırektor mundaı jaǵdaıǵa kýá bolǵanda ne isteýge bolatyny týraly keńes berdi.
"Jan-janýarǵa, tabıǵatqa qııanat jasaý sııaqty jaǵdaıǵa kýá bolsańyz, mindetti túrde beınejazbaǵa ma, sýretke me túsirip alyp, bizge habarlańyz. Meniń nómirim: +77017932418. Mundaı jaǵdaılarǵa nemquraıly qaraýǵa bolmaıdy! Kúsh biriktirý arqyly ǵana tabıǵatqa degen osyndaı qarym-qatynasty túp-tamyrymen joıýǵa bolady", deıdi Samal Ibraeva.
