Kishkentaı Dalıda aýrýhanaǵa jelkesinen úlken kavernozdy gemangıomamen tústi. Týylǵan kezde gemangıoma qal sııaqty boldy, múldem kórinbeıtin, deıdi Dalıdanyń anasy.
"Dárigerler daqtyń ósýi men túsiniń dınamıkasyn qadaǵalańyzdar dedi. Gemangıoma ózdiginen keter dep úmittendik, biraq «tómpeshik» óse bastady", deıdi anasy Ásel.
Qyzdyń ata-anasy isiktiń sebebin túsiný úshin qansha túrli analızder tapsyrǵan. Ýaqyt óte isik tennıs dobynyń kólemine jetti.
"Ana men bala ulttyq ortalyǵynda da bizge isik týraly naqty túsinik bere almady, bizdi operasııaǵa aparýdan qoryqty", deıdi qyzdyń anasy.
№2 kópsalaly qalalyq balalar aýrýhanasynyń mamandarymen baılanysqannan keıin, isikti tez arada alyp tastaý boıynsha operasııa jasaý týraly sheshim qabyldandy. Alaıda, otbasyna operasııanyń qıyn jáne qaýpi joǵary ekendigi týraly birden eskertildi.
"Balada tamyrly týa bitken isik bar (oksıpıtaldy aımaqtyń kavernozdy gemangıomasy). Operasııaǵa daıyndyqtan keıin balaǵa ota jasaldy. Gemangıoma alynyp tastaldy. Isiktiń edáýir mólsherin eskere otyryp, operasııadan qan ketý qaýpi boldy. Biz ony asqynýsyz alyp tastadyq. Barlyǵy oıdaǵydaı ótti!", deıdi hırýrg, jalpy hırýrgııa bóliminiń meńgerýshisi Irek Mıngazov.
Endi bir jasar Dalıda ózin edáýir jaqsy sezinedi. Týystary Dalıdaǵa isiksiz jańa ómir syılaǵan adamdarǵa shyn júrekten rızashylyqtaryn bildiredi.
