Kórme ekspozısııasy elordamyzdyń alǵash irgetasy qalanǵan sátten bastap búginge deıingi qalyptasý kezeńinen syr tarqatady. Elimizge belgili ólketanýshylar men arhıv seriktesteriniń jeke qorlaryndaǵy qundy materıaldardyń negizinde qurylǵan kóshe kórmesi qala turǵyndarynyń erekshe yqylasyna ıe boldy.
N.Imamovtyń jáne A.Dýbıskııdiń jeke qorlarynan alynǵan fotoqujattary men B.Olenevtyń foto jáne vıdeo materıaldary astana shejiresin shertedi.
Atalmysh kórmeden burynǵy latyn grafıkasymen jazylǵan derekterdi kezdestirýge bolady. Esimderi elge tanys, qala tarıhynda qattalyp qalǵan tulǵalardyń da eren eńbegi jazylǵan aqparattardy da jolyqtyrasyz.
Dástúrli túrde uıymdastyrylatyn fotokórme oqýshylardyń qyzyǵýshylyn arttyryp, arhıv salasyna degen áýestigin arttyrýda. Bıyl ekinshi ret ótken shara áli de jalǵasyn tabady.
