Osy aralyqta kórsetilgen konsýltatıvtik-dıagnostıkalyq qyzmetterge 14,3 mlrd.teńge tólendi, 5409 joǵarytehnologııalyq medısınalyq qyzmetterge – 1 mlrd.teńgeden astam, 97 536 stomatologııalyq qyzmetterge – 225 mln.teńge tólendi.
Al Nur-Sultan qalasy boıynsha stasıonarlarda emdelgender (61,9 mlrd.teńge somasyna) sany - 199 363», dep habarlady brıfıngte «Áleýmettik medısınalyq saqtandyrý qory» KeAQ Nur-Sultan qalasy boıynsha fılıalynyń dırektory Nurlybek Qabdyqaparov.
Medısınalyq saqtandyrý qory 2020 jylǵy 1 jeltoqsandaǵy jaǵdaı boıynsha Nur-Sultan qalasynda 100 qyzmet jetkizýshi medısınalyq uıymmen (2019 jyly – 105 qyzmet jetkizýshi) kelisimshartqa otyrǵan. Olardyń 32-i – memlekettik, 60-y – jekemenshik, 8-i respýblıkalyq medısına uıymdary. Onyń ishinde ambýlatorııalyq-emhanalyq kómek kórsetetin uıym – 35, táýlik boıy jumys isteıtin stasıonar – 30, stasıonardy almastyratyn kómek kórsetýshiler – 77, konsýltatıvtik-dıagnostıkalyq kómek kórsetetin medısınalyq mekeme – 12.
Nur-Sultan qalasy boıynsha turǵyndar sany - 1 171 302 (QR boıynsha - 18 809 210). Olardyń ishinde 648 978 turǵyn jeńildigi bar sanatqa jatady, bul barlyq turǵynnyń 55%-na jýyq. Olar úshin jarnany memleket tóleıdi.
