Máskeý planetarııinde aıtylǵan málimetke qaraǵanda, bul astronomııalyq qubylys sońǵy ret jerden 794 jyl buryn baıqalǵan. Astrologtardyń boljamynsha, bul qubylys keshki ýaqytta, shamamen 21.12.2020 jyly saǵat 21:21-te kórinýi yqtımal.
Satýrn men Iýpıter jarqyn qos juldyzǵa uqsaýy tıis. Keıbir astronomdar Vıfleem juldyzy týraly bıblııalyq ańyzda dál osy eki planetanyń birigýi aıtylatynyn joqqa shyǵarmaıdy. Iýpıter – dıametri 143,000 shaqyrym bolatyn Kún júıesindegi eń úlken jáne Veneradan keıingi jaryq ekinshi planeta, Satýrnǵa shamamen 20 jylda bir ret jaqyndaıdy. Biraq eki alyptyń eń úlken kórshilesýi bul joly birneshe ǵasyrda bir ret bolady. Vanderbılt ýnıversıtetiniń (AQSh) astronomııa professory Devıd Veıntraýb bylaı deıdi:
«Meniń oıymsha, mundaı oqıǵa adam ómirinde bir-aq ret bolýy múmkin. Bul – sırek ári erekshe qubylys», dep atap ótti.
Astronomdar áýesqoı teleskoptyń kómegimen jaqyn planetalardy ǵana emes, olardyń keıbir serikterin de kórýge bolady dep ýáde beredi. Aýa raıy múmkindik berse, olardy Kún batqannan keıin birden kórýge bolady.
Eger 21 jeltoqsanda aýa raıy qolaısyz bolsa, onda siz keıinirek qaıtalap kóre alasyz: Iýpıter men Satýrn taǵy birneshe kún jaqyn qashyqtyqta bolady. Sarapshylar bul astronomııalyq qubylystyń mánin Kún aınalasyndaǵy planetalardyń túrli aınalý jyldamdyǵynda túsindiredi: Iýpıterge shamamen 12 jyl, Satýrnǵa 29 jyldan astam ýaqyt qajet.
Ár 20 jyl saıyn Jerden qaraǵanda planetalar bir-birine jaqyndaıtyn sııaqty. Shyn máninde, olar bir-birinen jáne Jerden de óte alys: mysaly, 21 jeltoqsandaǵy Satýrn planetamyzdan, Iýpıterden eki ese alys bolady, atap aıtqanda: nemis aeroǵaryshtyq ortalyǵynyń (DLR) málimetteri boıynsha 1,6 mıllıard shaqyrym qashyqtyqta. Mamandar eki planetanyń baılanysyn «kún toqyraýynyń juldyzy» dep ataıdy. О́ıtkeni ol 21 jeltoqsanda oryn alady. Dúısenbide orta endikterdegi kúndizgi ýaqyt eń qysqa bolady jáne jeti saǵatty quraıdy.
Demek ymyrt bastalǵannan keıingi túnniń uzaqtyǵy jáne 22 jeltoqsannyń tańy jylyna eń uzaq bolady. Kelesi qosylý – 2080 jyldyń 15 naýryzy.
