Oblystyq tótenshe jaǵdaılar departamenti baspasóz qyzmetiniń aqparatyna súıensek, órt 19 jeltoqsanda jergilikti ýaqytpen saǵat 00:41-de jalpy aýmaǵy 3420 sharshy metrdi quraǵan eki qabatty nysanda tutanǵan.
«О́rttiń saldarynan ǵımarattyń jabyndysy qulady. Jalyn saǵat 03:25-te sóndirildi. Qazir órttiń shyǵý sebebi anyqtalyp jatyr» dep habarlady departamenttiń baspasóz qyzmetinen.
Jalyndy sóndirýge birneshe mekemeniń jeke quramy tartyldy. Atap aıtqanda tótenshe jaǵdaılar departamentiniń 63 qyzmetkeri men 11 tehnıkasy, «О́rt sóndirýshi» AQ-nyń 3 qyzmetkeri men 1 tehnıkasy, polısııa departamentinen 50 qyzmetker men 20 tehnıka, №5546 áskerı bóliminen 50 áskerı qyzmetker men 3 tehnıka jumyldyryldy.
