«Almatynyń qaraǵaıly ormanyn» damytý jalpy qalanyń ekologııasyna ǵana jaǵymdy áser etip qoımaı, onyń tómengi bóliginde qajetti ınfraqurylym qalyptastyrady, bul osy aýdannyń turǵyndary úshin óte qajet. «Almatynyń qaraǵaıly ormany» birtindep ekologııalyq jáne sporttyq is-sharalar ótetin orynǵa aınalady dep josparlanǵan. Saıabaqta laıyqty sporttyq ınfraqurylymdy da damytý kózdelgen. Bul jobanyń damýyna túrtki bolǵan «ECO FUND TABIGAT» JQ ókilderiniń zertteýleriniń negizinde qala aýmaǵynda jasyl jelekterdiń ótkir jetispeýshiliginiń anyqtalýy, atap aıtqanda Dúnıejúzilik Densaýlyq saqtaý Uıymynyń normalary talap etkennen 4 ese az.
«Qazir Almatydaǵy jasyl jelekterdiń aýdany 894 gektardy quraıdy, ıaǵnı qala aýdanynyń 1,3% – bul bir turǵynǵa shamamen ósimdikterdiń 5 sharshy metrin quraıdy. Alaıda, Almaty sekildi ónerkásipti qalalar úshin DDU usynatyn qazirgi zamanǵy norma qalanyń jalpy alańynyń 40-60%-yn, ıaǵnı ońtústik astananyń bir turǵynyna 153 sharshy metrdi quraýy tıis. Osy statıstıkaǵa súıene otyryp, nege Almatyda allergııamen aýyratyndar men tynys alý joldarynyń sozylmaly aýrýlary bar adamdar kóp degen ózekti suraqqa jaýap birden aıqyn bolady. Jyl saıyn Almaty boıynsha respıratorlyq jáne allergııalyq aýrýlardyń ósýi 7-10%-dy quraıdy», – deıdi «Almatynyń qaraǵaıly ormany» jobasynyń bastamashysy, «ECO FUND TABIGAT» JQ tóraǵasynyń orynbasary Tımýr Eleýsızov.
Bul is-shara sarapshylardy, memlekettik qurylymdardyń ókilderin, sondaı-aq bıznes ókilderin jınady. Búgingi kóshetter otyrǵyzýǵa «Ýchet.kz», «Evrika» – tehnıka men elektronıkany satý boıynsha ońtústik óńirdiń kóshbasshysy, «Exlusiv-Qurylys» kompanııasy jáne «Tehnodom» kompanııasy belsendi túrde qoldaý kórsetti. Osy kompanııalardyń qoldaýymen «Shetsiz qala» jáne «Jasyl Almaty» baǵdarlamalary sheńberinde osy jyldyń basynda qala ákimi Baqytjan Saǵyntaev bólgen 78 ga ýchaskege kádimgi qaraǵaı men shyrsha kóshetteri satyp alyndy. Osylaısha, bıiktigi 1,3 metrge deıin bir qaraǵaı kóshet men ony otyrǵyzyp, kútip-baptaý quny búgingi kúni 12 000 teńgeni quraıdy. Jobaǵa bólingen jalpy alań 35 myńǵa jýyq túrli aǵash otyrǵyzýdy kózdeıdi.
Bıylǵy jyldyń sońyndaǵy oqıǵalar barlyq qurylymdar ókilderiniń nazaryn qalamyzdyń ekologııasy men kógaldandyrý isine kóbirek aýyp tur. «Evrika» kompanııasynyń Kommersııalyq dırektory Danııar Sasyqovtyń aıtýynsha, elimizdiń kez kelgen qalasynyń ekologııa salasyndaǵy negizgi mindetteri jasyl qordy damytý men qorǵaýdyń qazirgi jaǵdaılaryn jetildirýge, jańa jaǵdaılar jasaýǵa jáne engizýge baǵyttalýy tıis. «Biz bıznes retinde óz tabıǵatymyzdy qorǵaýǵa baılanysty máselelerdi sheshýde jan-jaqty kómek kórsetýge daıynbyz. Eger biz tabıǵatymyzdy qorǵap, saqtamasaq, onda balalarymyzǵa ne qalady? Árbir jaýapty azamattyń basty qamqorlyǵy - bul óz balalarynyń bolashaǵyna degen qamqorlyq, olar qazir biz ben sizderde bar ıgilikterdi alyp, osy ıgilikterdi saqtap qana qoımaı, sonymen qatar kóbeıtý jaýapkershiligi», dep atap ótti Danııar Sasyqov.
Jobanyń barlyq qatysýshylarynyń maqsaty eko saıabaqty qurý ǵana emes, onyń sapasyn qoldaý bolyp tabylady. Osy jobanyń iske asyrylýyn qoldaýshy Almaty qalasy ákimdigi janyndaǵy Jasyl ekonomıka basqarmasynyń ókilderi atalǵan bastamany damytýǵa qoldaý bildirdi, sondaı-aq ony iske asyrý keıinnen otyrǵyzylǵan aǵashtardy qorǵaý men olarǵa kútim jasaýǵa qatysty tıimdi sharalar qurýdy talap etetinin atap ótti.
Buǵan deıin jergilikti aýdandyq bılik atap ótkendeı, saıabaq sýarmaly sýmen qamtamasyz etiletin bolady.
