21 jeltoqsanda kúshine enetin ShQO bas memlekettik sanıtar dárigeriniń mindetin atqarýshynyń jańa qaýlysy boıynsha jańa jyldyń alǵashqy túninde qoǵamdyq tamaqtaný nysandaryna jumys isteýge ruqsat etiledi. Alaıda birqatar shekteý áli de saqtaýly.
"Kópshilik, jańa jyldyq, ujymdyq (korporatıvtik) is-sharalar, konkýrstar (ınteraktıvti is-sharalardan basqa), bılerdi ótkizbeı (óz ústelinen shyqpaı) bir ústelge 4-6 adamnan aspaıtyn mólsherde otyrǵyzyp, kórshiles ústelderdiń shetki oryndary arasynda keminde 2 metr áleýmettik qashyqtyqty saqtaı otyryp jáne toltyrylýyn otyratyn oryndar sanynyń 50 paıyzynan asyrmaǵan jaǵdaıda 2020 jylǵy 31 jeltoqsannan 2021 jylǵy 01 qańtarǵa qaraǵan túni qoǵamdyq tamaqtandyrý obektilerine saǵat 07.00-den 04.00-ge deıin jumys isteýge ruqsat etilsin", delingen qaýlyda.
Sondaı-aq, jańa qaýlyǵa sáıkes, ShQO-da jappaı oıyn-saýyq, sporttyq is-sharalardy, jappaı otbasylyq, saltanatty, estelik is-sharalardy, onyń ishinde úıde ótkizýge, oıyn-saýyq agenttikteriniń jáne úıde jańa jyldyq oıyn-saýyq qyzmetterin kórsetetin basqa da uıymdardyń jumysyna tyıym saqtalady.
Alaıda kınoteatrlar men teatrlarlardyń jumysyna ruqsat berildi.
"Toltyrylýy 30 paıyzǵa deıin, shahmat tártibi boıynsha otyrǵyzý kezinde zaldaǵy adamdar sany 100-den aspaǵan jaǵdaıda ruqsat etilsin", delingen qaýlyda.
О́ńirde О́skemenge kirýge jáne shyǵýǵa shekteý saqtalady.
