Interaktıvti analıtıkalyq portal Qazaqstannyń jáne onyń óńirleriniń saýda seriktesteri, taýar pozısııalary (sanattar men qaıta bólinister boıynsha) bólinisinde aqshalaı kóriniste de, fızıkalyq kólemde de saýda aǵyndary týraly málimetterdi jedel rejımde alýǵa múmkindik beredi. Resýrs syrtqy saýda týraly statıstıkalyq aqparatqa tolassyz taldaý júrgizý, sondaı-aq resmı kózderden portalǵa derekterdi avtomatty túrde túsirý jáne qurylymdaý bóliginde joǵary ıkemdilikpen erekshelenedi.
Analıtıkalyq portal Microsoft Power BI negizinde jumys isteıdi. Damý banki ınvestısııalaý úshin perspektıvaly salalar men taýarlyq taýashalardy aıqyndaý júıesin qurý úshin tıisti baǵdarlamalaý bilimi jáne úlken derekterdi taldaý (big data) jáne mashınalyq oqytýdy engizý (machine learning) boıynsha jumys tájirıbesi bar mamandy tartty.
Bolashaqta portaldyń fýnksıonalyn keńeıtý jáne álemniń túrli elderine túrli ónimderdiń ımporty men eksporty týraly aqparat alýǵa múmkindik beretin halyqaralyq saýda statıstıkasynyń bazasyn qosý josparlanýda. Bank úshin Qazaqstannyń ekonomıkadaǵy shıkizattyq emes sektorlaryndaǵy negizgi saýda seriktesteri týraly aqparat qoljetimdi bolady. Bul qazaqstandyq ónimniń jekelegen toptarynyń elden tys jerlerdegi suranysy men saýda perspektıvalaryn utymdy baǵalaýǵa múmkindik beredi.
«Bul portal áleýetin arttyrýǵa bolatyn ekonomıkadaǵy qajetti salalardy anyqtaýǵa múmkindik beredi. Mysaly, eger Qazaqstanda belgili bir ónimderdiń ımporty jyl saıyn ósetin bolsa, onda bul ónimdi ózimizde shyǵarýdyń amalyn oılastyrý qajet degen sóz. Eksportqa qatysty jaǵdaı da osyndaı. Biz munymen toqtap qalmaımyz, portaldyń fýnksııalaryn keńeıtýge jáne bizdiń naryqtaǵy sheteldik ınvestorlardyń múddelerin eskerýge múmkindik beretin basqa da derekqorlardy qosatyn bolamyz. Kásipker osy portalǵa kirgen kezde, ol taýarlardy jetkizý boıynsha ishki naryqtyń perspektıvalaryn, árbir óńirdegi qandaı da bir salanyń damý serpinin aıqyndaýǵa qandaı ımport/eksport múmkindik beretinin kóretin bolady. Portaldy bizdiń seriktes bankter, reseılik, túrik, pákistandyq áriptester jáne t.b. belsendi paıdalanýda», dep atap ótti «Qazaqstannyń Damý Banki» AQ Basqarma tóraǵasy Abaı Sarqulov.
Qazaqstannyń jáne óńirlerdiń syrtqy saýdasy týraly statıstıkalyq aqparatty taldaýdyń qoljetimdi jáne qolaıly quraly qazirdiń ózinde kásipkerlerge belgili bir taýarlardy jetkizý boıynsha ishki naryqtyń damý perspektıvalaryn, syrtqy saýda qyzmeti prızmasy arqyly sol nemese ózge salanyń damý serpinin aıqyndaýǵa múmkindik beredi.
Resýrstyń mindeti tulǵalardyń keń aýqymyn, onyń ishinde bıznes qoǵamdastyqty, memlekettik organdardy, syrtqy ekonomıkalyq qyzmetke qatysýshylardy, salalyq sarapshylardy jáne basqa da múddeli tulǵalardy Qazaqstannyń óńirlerindegi syrtqy saýda týraly tegin jedel statıstıkalyq aqparatpen qamtamasyz etý.
«Naryqta syrtqy saýdanyń fızıkalyq kólemi boıynsha aqparatqa úlken suranys bar, onyń ishinde ekonomıkalyq qyzmet túrleriniń jalpy jikteýishin (EQJJ) qoldana otyryp, syrtqy saýdaǵa taldaý júrgizýge suranys bar. Qazirgi qarqyndy damyp kele jatqan ekonomıkalyq jaǵdaıda, onyń ishinde koronavırýstyq pandemııaǵa baılanysty, portaldyń bıznes-qaýymdastyqtar úshin mańyzdylyǵy, paıdasy men ózektiligi artyp keledi. Sondyqtan bizdiń qural maqsatty aýdıtorııada suranysqa ıe bolatynyna senimdimiz», dedi QDB Basqarýshy dırektory Rahymjan Sataev.
Analıtıkalyq portal Banktiń resmı saıtynda úsh tilde ornalastyrylǵan. Statıstıkalyq derekter QR Ulttyq ekonomıka mınıstrligi Statıstıka komıteti men QR Qarjy mınıstrligi Memlekettik kirister komıtetiniń resmı saýda statıstıkasynyń jańartylýyna qaraı avtomatty túrde jańartylady.
