Jylyoı aýdany halqynyń áleýmettik ál-aýqaty máselesine erekshe nazar aýdaryldy. Ol Qulsary qalasynyń Halyqty jumyspen qamtý ortalyǵy men Halyqty áleýmettik qorǵaý jáne jumyspen qamtý bóliminiń front-keńsesiniń jumysymen tanysty. Búgingi kúni olar 9552 qyzmet kórsetip, bul 2077 adamdy jumysqa ornalastyrýǵa múmkindik berdi.
Nysandardy aralaı otyryp, A. Shpekbaev: «Tutynýshyǵa baǵdarlaný jáne azamattarǵa qolaıly jaǵdaıda qyzmet kórsetý – qazirgi zamanǵy memlekettik apparattyń basym mindeti. Memlekettik qyzmetshiler ár adamnyń sózine qulaq asýy tıis, al azamattarǵa bıýrokratııalyq tosqaýyl bolmaýy qajet», dep atap ótti.
Memlekettik organdardyń mundaı transformasııasy qoǵammen belsendi ózara is-qımyl jasaýdyń jáne memlekettik apparattyń azamattar saýaldaryna sezimtaldyǵyn arttyrýdyń basty sharty.
Búgingi tańda Atyraý oblysynda 45-ten astam memlekettik organ men mekeme front-keńseler men «open space» formatynda jumys isteıdi.
Elektrondyq memlekettik qyzmetterdi yńǵaıly alýdy qamtamasyz etý úshin aýyldyq okrýgter ákimdikteriniń jáne mektepterdiń ǵımarattarynda ózine-ózi qyzmet kórsetý buryshtary bar.
Jumys saparynyń kelesi nysany – Mahambet aýdanynyń «Azamattarǵa arnalǵan úkimet memlekettik korporasııasy» KE AQ fılıalynyń jańa ákimshilik ǵımaraty boldy. Onda bıyl 23 myńnan astam memlekettik qyzmet kórsetildi. Onyń ishinde ózine-ózi qyzmet kórsetý sektory arqyly elektrondyq onlaın-nusqada 12 myńnan astam memlekettik qyzmet kórsetildi.
Olardyń jumysymen tanysqan Sybaılas jemqorlyqqa qarsy kúres vedomstvosynyń basshysy el basshylyǵynyń memlekettik qyzmetterdi elektrondyq formatqa kóshirý jónindegi tapsyrmasynyń oryndalǵanyn atap ótti.
«Qazaqstan elektrondyq úkimetti damytý boıynsha aldyńǵy qatarly 30 eldiń qataryna kiredi. Kórsetiletin qyzmetterdiń 90%-dan astamy halyqqa onlaın kórsetiledi. Bul turmystyq jemqorlyqty barynsha azaıtty», dedi A.Shpekbaev.
Halyqpen kezdesý barysynda Agenttik tóraǵasy sybaılas jemqorlyqqa qarsy zańnamanyń ózgeristeri týraly egjeı-tegjeıli baıandady. Kásipkerlik qyzmetke aralasý, oǵan zańsyz qatysý, paraqorlyq jáne paraqorlyqqa deldaldyq úshin jaýapkershilikti kúsheıtýge, sondaı-aq aýyr jáne asa aýyr sybaılas jemqorlyq qylmystary úshin sottalǵan adamdarǵa shartty túrde merziminen buryn bosatýdy joıýǵa basymdyq berildi.
Endi para bergeni úshin sanksııa 3 jyldan 5 jylǵa deıin, aıtarlyqtaı mólsherde (139 myń teńgeden astam) para bergeni úshin – 5 jyldan 7 jylǵa deıin jáne deldaldyq úshin – 2 jyldan 3 jylǵa deıin ulǵaıtyldy. Aıtarlyqtaı mólsherde para berý aýyr qylmystar sanatyna ótip, para berýshilerdi shartty túrde merziminen buryn bosatý múmkindiginen aıyrǵandyǵyn aıta ketý kerek. Paraqorlyqpen birneshe ret aınalysyp, qylmystyq top quramynda nemese óziniń qyzmet babyn paıdalana otyryp jasalǵan paraqorlyqqa deldal bolǵany úshin sottalǵan adamdar da osy sanatqa engiziledi.
Sondaı-aq, ol azamattyq qoǵamnyń kúndelikti jemqorlyqty joıýǵa jumylýy men jeke qyzyǵýshylyǵynyń mańyzdylyǵyn atap ótti. Bul úshin Agenttik «Adaldyq alańy» jobalyq keńseleri, arnaıy monıtorıngtik toptary, aqparattyq-aǵartý shtabtar men «Adal kómek», «Ashyq bıýdjet» syndy sybaılas jemqorlyqqa qarsy jobalar aıasynda barlyq qajetti jaǵdaılar men quraldardy jasady.
Eń bastysy - búkil qoǵamnyń oń ózgeristerge yqylasy men erki, sondaı-aq eldiń ál-aýqatyn damytýǵa jeke úles qosýǵa daıyn bolýy.
