Talantty sýretshi, talapty ustaz

Shákárim atyndaǵy Semeı memlekettik ýnıversıtetin beıneleý óneri jáne grafıka mamandyǵymen támamdaǵan jas azamat dál qazir shákirt tárbıeleýmen qatar, shyǵarmashylyq jumyspen aınalysyp júr. Sýretshiniń oı-qııalynan týǵan kartınalary ártúrli taqyrypty qamtıdy. Atap aıtqanda, natıýrmort, portret, peı­zaj, sonymen birge tiri jan ıelerin beı­neleıtin anımalıstik baǵyt pen belgili bir tarıhı oqıǵalarǵa arnalǵan kórkem týyn­dylar jazýda.

Qylqalam sheberiniń negizi ereksheligi – onyń eńbekteriniń boıaýy qanyq, kom­pozısııaǵa baı, sonymen qosa adamnyń jan dúnıesindegi rýhanı tolqynyspen úndestik tabatyn názik sezimge qurylǵan, ortany túısiný, seziný arqyly jaraty­lysqa basqasha kózben qaraıtyn óner ıesi. Onyń eńbekterimen tanysqan tanymal sýretshi Qońyr Muqamádıev «bul jigit beıneleý ónerindegi kreatıvti ıdeıasy bar talantty sýretshilerdiń biri» degen eken.

Eýrazııa dızaınerler odaǵynyń mú­shesi E.Jákishevtiń kóptegen kar­tına­sy О́skemen qalasyndaǵy óner mura­jaıy men Semeıdegi Nevzorovtar mura­jaılarynda saqtaýly tursa, atqarǵan eńbegi úshin oblystyń «Úzdik pedagogy» atanýmen qatar, «Rýhanı jańǵyrý» baǵdarlamasy aıasynda ótken baıqaýdyń júldegeri atanǵany bar.

Sýretshi-ustazdyń shákirtteri 2018 jyly ótken halyqaralyq «Golden Stars» talanttylar festıvaline qatysyp, úzdik­ter qatarynan kórinse, Erkebulan Máýit­hanuly dúnıejúzilik beıneleý ónerine qosqan úlesi úshin arnaıy mara­patqa qol jetkizipti. Sol sııaqty, eki jyl buryn «Al­taı – Qazaqstan jaýhary» atty res­pýb­lıkalyq plenerdiń úzdik sertıfıkat ıesi atanǵan.

– Joǵarydaǵy sharalar ólkeniń sýret ónerin órkendetip, shalǵaı aýdanda talanttar shoǵyryn qalyptastyrýǵa úlken áser etti. Sonymen birge ulttyq rýhanı ne­gizge toly etnografııalyq etıýdterdi beı­neleýdiń qyr-syryn úırendik, – deıdi us­taz-sýretshi.

Qazirgi tańda talantty sýretshi, talapty ustaz jasóspirimderge sýret óneriniń qyr-syryn úıretýmen birge, jas talant­tardy ushtaý úshin tynymsyz eńbek etýde. Onyń shákirtteri jasaǵan «Meniń elim – táýelsiz Qazaqstan», «Elbasy már­te­besi – el mártebesi», «Ata-baba mura­la­ryn saqtaımyz jáne kóbeıtemiz», «Eko­­logııa planetasy» taqyrybyndaǵy eńbekteri jasóspirimder arasynda ótken respýblıkalyq, oblystyq kórmelerdiń júldesin alyp júr.