Is-sharanyń maqsaty – mýzeı salasyn damytýdaǵy qazirgi zamanaýı jetistikterdi keńinen paıdalana otyryp, qazaq halqynyń tarıhı-mádenı qundylyqtaryn dáripteý. Sondaı-aq qazaq memlekettiligin qalyptastyrýda eleýli jetistikterimen tanylǵan Qazaqstan tarıhyndaǵy uly tulǵalardyń róli men qyzmetin nasıhattaý.
Atalǵan zal óz meımandaryn Qazaqstannyń jańa jáne qazirgi zaman tarıhyna arnalǵan biregeı qundy dúnıelermen tanysýǵa shaqyrady. Ekspozısııalyq zal birneshe taqyryptyq bólimderden quralǵan.
Atap aıtqanda, «Qazaq handyǵy» kezeńine arnalǵan ekspozısııalyq bóliminde – Abylaı hannyń, Qazybek bı men Tóle bıdiń shapandary men móriniń kóshirmesi, memlekettik bılik atrıbýttary – muraq, tý bastary, asataıaq, altyn jalatylǵan dýlyǵa jáne ózge de jaýyngerlik qarýlar men qorǵanys jaraqtary qoıylǵan.
«Tarıh tuǵyryndaǵy Uly tulǵalar» ekspozısııalyq bóliminde – Ábý Nasyr ál-Farabı, Qoja Ahmet Iаsaýı, Shoqan Ýálıhanov, Ybyraı Altynsarın, Abaı Qunanbaıuly, Shákárim Qudaıberdiuly, Máshhúr Júsip Kópeıuly jáne Qanysh Sátbaevtyń ómiri men shyǵarmashylyǵyna arnalǵan materıaldar men jádigerler kórsetilgen.
Sonymen qatar XVIII-XX ǵasyrlardaǵy ult-azattyq kóterilister jáne patsha ókimetiniń otarlaý saıasaty, XX ǵasyrdyń bas kezindegi Alash qozǵalysy jáne Alashorda ókimetiniń qurylýy men Keńes ókimetine deıingi kezeńderge arnalǵan ekspozısııalyq bólimder qarastyrylǵan.
Taǵy bir ekspozısııa bólimi, Qazaqstan tarıhyndaǵy eń bir qasiretti kezeń – XX ǵasyrdyń 20-30-jyldaryna arnalǵan. Ekspozısııalanǵan tarıhı qujattar zorlyq-zombylyqpen ujymdastyrý jáne kóshpeli qazaq halqyn kúshtep otyryqshylandyrý saıasaty saldarynan oryn alǵan asharshylyq, sondaı-aq qýǵyn-súrgin, Qazaqstanǵa túrli halyqtardy qonystandyrý sııaqty, Keńestik tarıhtaǵy stalındik kezeńdi sıpattaıtyn oqıǵalardan habar beredi.
Kishi zaly 1931-1934 jyldaryndaǵy ashtyq pen 1937-1938 jyldar aralyǵyndaǵy Aljır men Karlagtaǵy qýǵyn-súrgin saıasaty saldaryna arnalǵan. Bul bólimde qýǵyn-súrgin saıasaty qurbandarynyń fotosýretteri, qujattary, statıstıkalyq málimetter, D.Júrgenovanyń saqınasy, Sh.Tátimovanyń shálisi, T.Nuralınanyń ydysy jáne t.b. jádigerler kórermen nazaryna usynylǵan.
Sondaı-aq atalǵan zalda, adamzat tarıhynda oryn alǵan, qasiretti Ekinshi dúnıejúzilik soǵys jyldaryndaǵy Qazaq halqynyń erligi men Uly Jeńiske qosqan úlesi jóninde jan-jaqty aqparat beretin, arnaıy ekspozısııa bólimi de jabdyqtalǵan.
Kelesi ekspozısııa bólimi, Qazaqstannyń 1946-1991 jyldardaǵy ǵylym, mádenıet jáne sport baǵyttaryn sýretteıtin qundy materıaldar toptamasymen jabdyqtalǵan. Ekspozısııadan belgili qoǵam qaıratkerleriniń tutynǵan jeke zattaryn tamashalaýǵa bolady.
Qorytyndy ekspozısııa bólimi – 1946-1991 jyldardaǵy Qazaqstannyń qoǵamdyq-saıası ómirinen syr shertedi. Atalǵan bólimde kópshilik nazaryna alǵashqy tyń ıgerýshilerdiń jeke zattary, memlekettik marapattary men resmı qujattardan úzindiler keltirilgen qundy zattar usynyldy.
Aıta keteıik, «XIII-XX ǵǵ. Qazaqstan tarıhy» zalynyń ashylý rásimine memleket jáne qoǵam qaıratkerleri, belgili ǵalymdar, tarıhshylar men arheologter qatysyp, aq tilegin joldap, tarqasty.
