Bul jóninde qala ákimi Murat Áıtenovke bilim basqarmasynyń atqarǵan jumystary jóninde esep bergen basqarma basshysy J.Tájıeva aıtty.
Onyń aıtýynsha, búgingi tańda barlyq memlekettik bilim berý mekemeleri 100 % beınebaqylaý kamerasymen qamtamasyz etilgen. Ájethanasy syrtta ornalasqan 36 mekteptiń jumystary tolyǵymen aıaqtalyp, ishke aýystyryldy.
Sondaı-aq, bıyl memlekettik baǵdarlama aıasynda mektepterdegi pán kabınetterin jańǵyrtý jumystary júrgizilip, 5 380 kabınettiń 32,2%-y (1734) zamanaýı jabdyqtarmen qamtamasyz etilgen. Kelesi jyly 250 hımııa, bıologııa, fızıka kabıneti men 13 dana STEM, 9 dana logoped kabınetin alý josparlanýda eken.
Memlekettik kórsetiletin qyzmet túrlerin sıfrlandyrý, ashyqtyqty qamtamasyz etý maqsatynda bilim salasyndaǵy 32 memlekettik qyzmet túri tolyq avtomattandyrylǵan. Aldaǵy jyly ashyq býhgalterııa júıesin engizý, bilim berý uıymdary arasyndaǵy qujat aınalymyn sıfrlandyrý, bilim salasyndaǵy ártúrli olımpıadalardy sıfrlandyrý qolǵa alynǵanyn aıtyp ótti.
Esepti tyńdaǵan shahar basshysy oqýshylardyń qaýipsizdigine basa nazar aýdaryp, zamanaýı jabdyqtalǵan kabınetterde tájirıbelik saǵattaryn kóptep ótkizýdi tapsyrdy.
