- Bizdiń oblys úshin mańyzdy jobalardy iske asyrýda qoldaý kórsetkenderińiz úshin rızashylyǵymdy bildirgim keledi. Osy jobalardy iske asyrý nátıjesinde biz óńirdiń áleýmettik-ekonomıkalyq damýynda jaqsy kórsetkishterge qol jetkizdik. Búgin sizdermen turǵyn úı-kommýnaldyq sharýashylyq salasyndaǵy jańa birlesken jobalardy iske asyrýdy – Qyzylorda JEO jańǵyrtý jáne keńeıtý, Qyzylorda qalasyndaǵy bıologııalyq tazartý stansııasyn jańǵyrtý jáne avtomattandyrý máselelerin talqylaǵymyz keledi. «JEO jańǵyrtý jáne keńeıtý» jobasy boıynsha tehnıkalyq-ekonomıkalyq negizdeme ázirlendi, memlekettik saraptamanyń qorytyndysy alyndy. Joba eki kezeńnen turady: KOGTES qurylysy jáne sý jylytý qazandyǵynyń qurylysy. Biz jalpy somasy 9 mlrd teńgege EQDB arqyly kredıt berý jolymen KOGOES-ti jańǵyrtýdy júzege asyrýdy usynǵymyz keledi. Negizgi qaryzdy «Jańartylatyn energııa kózderin qoldaý jónindegi qarjy-esep aıyrysý ortalyǵy» JShS esebinen óteý mehanızmi bar, dedi oblys ákimi Gúlshara Ábdiqalyqova.
Búgingi kúni naryq keńesiniń qorytyndysyn alý úshin tıisti qujattardy daıyndaý boıynsha jumystar júrgizilýde. Keńeske 2021 jylǵy 1 aqpanǵa deıin osy ınvestısııalyq baǵdarlamany ázirleý kezinde júrgizilgen táýelsiz tehnıkalyq jáne qarjylyq aýdıtterdiń nátıjeleri bar ınvestısııalyq baǵdarlamany usyný qajet.
"Bıologııalyq tazartý stansııasyn jańǵyrtý jáne avtomattandyrý" jobasy boıynsha da memlekettik saraptamanyń qorytyndysy bar, jobanyń quny – 2,8 mlrd teńge. EQDB-men birlesken joba úshin buryn bólingen qarajatty paıdalana otyryp, jobany iske asyrýǵa Indýstrııa jáne ınfraqurylymdyq damý mınıstrliginiń kelisimi alyndy.
Aıta ketý kerek, EQQDB-men birlesip júzege asyrylyp jatqan Qyzylorda qalasynda jylýmen jabdyqtaý júıesin salý jáne qaıta jańartý, sýmen jabdyqtaý sý júıelerin salý jáne qaıta jańartý men elektrmen jabdyqtaý júıelerin jańǵyrtý jobalary boıynsha tıisti jumystar júrgizilip, kelisim-shart boıynsha nesıeler tólenip jatyr.
Kezdesý barysynda EQQDB Qazaqstandaǵy ókildigi dırektorynyń orynbasary Bahtıer Faızıev kóterilgen máselelerdi qoldap, Qyzylorda oblysy ınvestısııalyq tıimdi óńir ekenin atap ótti. Jetekshi bankır Vladımır Sıdorenko da óz usynystaryn jetkizdi.
Qyrytyndylaı kele óńir basshysy Gúlshara Ábdiqalyqova odan ári yntymaqtastyqty damytý týraly usynys aıtyp, Bahtıer Faızıevke jumys saparymen Syr óńirine kelgeni úshin alǵys bildir
