Qalalyq jolaýshylar kóligi jáne avtomobıl joldary basqarmasynyń málimetinshe, 2021 jyly avtomobıl joldaryn damytýǵa 32,3 mlrd. teńge qarjy bólinýde. Jalpy 128 nysan nemese 253,1 shaqyrym joldar qurylys-jóndeý jumystarymen qamtylatyn bolady.
Búginde qalada uzyndyǵy 13,3 shaqyrymdyq 3 qurylys jáne 3 qaıta qurý nysandary paıdalanýǵa tapsyrylýda. Atap aıtqanda, Astana dańǵylynyń jalǵasy (2,7 shaqyrym), Arǵynbekov kóshesiniń qurylysy (3,0 shaqyrym), Aqtas shaǵynaýdany №61 mektepke kireberis jolynyń qurylysy, Jibek joly, Tórequlov kóshelerin qaıta qurý (2,2 shaqyrym) jumystary aıaqtaldy.
Sondaı-aq, qalada Rysqulov-Qonaev kósheleriniń qıylysynda jolaıryq qurylysy bastalǵan bolatyn. Qazirgi ýaqytta nysanda gaz, sý qubyrlaryn jáne elektr jelileriniń ornyn aýystyrý, tonnelde tireý qabyrǵalaryn ornatý jáne ýaqytsha joǵary voltty (VL-110) elektr jelileriniń qurylys jumystary júrgizilýde.
Qazirgi tańda jalpy uzyndyǵy 3,3 shaqyrymdyq ınjenerlik jeliler jáne 7500 tekshe metr jer jumystary oryndaldy. Aǵymdaǵy jylǵa qaralǵan 550 mln teńge tolyǵymen ıgerildi. Qurylys jumystarynyń II-kezeńin 2021 jyldyń qańtar aıynda bastaý josparlanýda.
