Oblysta jyldyq qýattylyǵy 12,5 myń tonna bolatyn 9 balyq óńdeý zaýyty jumys jasaýda. 4 zaýytta Eýropalyq sapa standartyna sáıkestigin rastaıtyn «Evrokod» sany bar. Aǵymdaǵy jyldyń 11 aıynda oblysta 7 909 tonna balyq aýlandy. Bul kórsetkish ótken jyldyń osy kezeńimen salystyrǵanda 18 paıyzǵa kóbeıgen. Jyl basynan 4008,5 tonna balyq ónimderi 9 elge eksporttalyp, ótken jylmen salystyrǵanda 6 paıyzǵa ósti.
- Balyq ónimderi Reseı, Germanııa, Polsha, Grýzııa, Lıtva, Qytaı, Nıderlandy, Chehııa, Belarýs elderine naryqqa shyǵarylýda. Negizgi eksportqa shyǵarylyp jatqan balyq túrileri tyran, torta, alabuǵa, shortan, aralas balyq, kókserke. Olardan kókserkeniń jon eti, tyrannyń qanattary, balyq farshy, balyq súbesi, qatyrylǵan balyq jáne balyq uny ónimderi eksporttalýda, dedi oblystyq tabıǵı resýrstar men tabıǵat paıdalanýdy retteý basqarmasynyń basshysy Baýyrjan Shámenov.
