Balyq sharýashylyǵy kelisimshart negizinde О́skemen sý qoımasy aýmaǵynda jumys isteıdi. 2017 jyly qurylǵan kásiporyn baqtaq (forel) ósirýmen aınalysyp jatyr. 2021 jyldan bastap óz bazasynda ınkýbasııalyq sehy iske qosylmaq.
«Qazir kásiporynda 20 adam jumys isteıdi. Keler jyly kóktemnen seh ashylýyna baılanysty 30 adamǵa deıin kóbeıedi. Joba qýaty – jylyna 1200 tonna taýarly balyq óndirýge jetedi. Bul kórsetkishke 2030 jylǵa qaraı jetemiz dep otyrmyz. Baqtaqtan da basqa balyqtar ósirý josparda bar», dedi sharýashylyq basshysy Aleksandr Sobolevskıı.
2019 jyly sharýashylyq ishki naryqqa 34 tonna baqtaq satqan. Reseıge eksport jasaý da josparda bar.
Mınıstr Maǵzum Myrzaǵalıev pen oblys ákimi Danıal Ahmetov sharýashylyq bazasynda balyq jem zaýytyn salýǵa qoldaý kórsetýge kelisti.
Eske salsaq, Memleket basshysy Qasym-Jomart Toqaev halyqqa joldaýynda balyq sharýashylyǵyna erekshe mán berý kerektigin aıtqan. 2019 jyly elimizdiń balyq jáne balyq ónimderi naryǵynyń jalpy kólemi 66 myń tonnany qurady. Qazaqstandaǵy sý resýrstary 600 myń tonnaǵa deıin balyq ósirip, eksportty 10 esege arttyrýǵa múmkindik beredi.
Sol sebepti qazir Ekologııa mınıstrligi sharýalardy qoldaý maqsatynda birqatar Zańdarǵa ózgeris engizip, sýbsıdııa berý joldaryn qarastyryp jatyr.
