«Bul baǵytta batyl sharalar qolǵa alyndy. Zań qabyldandy, norma naqty bekitildi, zańǵa qosymsha normatıvtik-quqyqtyq qujattar qabyldandy. Qazir barlyq prosesterdi retteýdiń naqty tetikteri bar. Qazir biz pedagogtyń kún saıyn eki qujatty ǵana toltyrýǵa mindetti ekenin bekittik, olar – synyp jýrnaly, qazir ony kópshiligi elektrondy túrde toltyrady jáne sabaq jospary. Odan basqa qujattardy muǵalim kúndelikti toltyrýǵa mindetti emes. Jylyna bir ret kúntizbelik-taqyryptyq jospar daıyndalady», deıdi mınıstr.
Ashat Aımaǵambetov pedagogten artyq esep suraý boıynsha shaǵymdar kelip túskenin jáne naqty sharalar qabyldanǵanyn qosa ketti.
«Bıylǵy jyldyń ózinde osy normany buzý boıynsha bilim berý uıymdarynyń 50-den astam basshysy jazalandy», deıp túıindedi Ashat Aımaǵambetov.
