Atap aıtqanda, Ázerbaıjan Respýblıkasynyń Pákistan Islam Respýblıkasyndaǵy Tótenshe jáne ókiletti Elshisi Alı Alızademen kezdesý barysynda taraptar túrki elderi yntymaqtastyǵy aıasynda atqarylyp jatqan jumystardy talqylap, aldaǵy josparlar týraly pikir almasty.
Elshi myrza Akademııa tarapynan atqarylyp jatqan jumystarǵa rızashylyǵyn bildirip, aldaǵy ýaqytta birlesip atqarar jobalarǵa qoldaý kórsetetinin jetkizdi.
О́z kezeginde, Darhan Qydyráli iltıpat kórsetken Ázerbaıjan elshisine alǵys aıtyp, Akademııanyń basyp shyǵarǵan birqatar baǵaly eńbekterin tartý etti.
Sonymen qatar, Akademııa basshysy Qazaqstan Respýblıkasynyń Pákistan Islam Respýblıkasyndaǵy Tótenshe jáne ókiletti Elshisi Aqan Rahmetýllın, Túrkııa Respýblıkasynyń Pákistan Islam Respýblıkasyndaǵy Tótenshe jáne ókiletti Elshisi Mýstafa Iýrdakýlmen eki jaqty kezdesýler ótkizdi.
Elshilermen bolǵan kezdesýlerde taraptar baýyrlastyq baılanystardy nyǵaıtýda Túrki akademııasynyń mańyzdylyǵyn atap ótti.
