«Búkil álemde qazirgi tańda vaksınany ýaqytsha tirkeý týraly áńgime aıtylyp jatyr. Bizde tirkep, zertteýdiń úshinshi satysynyń esebi boıynsha ýaqytsha tirkeýge múmkindik beretin tıisti erejeler ázirlendi. Pfizer vaksınasy týraly aıtar bolsaq, ony -70 gradýsqa deıingi qatań talaptarmen qatar, baǵasy de erekshe. Ol reseılik vaksınadan qaraǵanda eki ese qymbat. Biz búgin Pfizer kompanııasymen jarııalamaý týraly kelisimge keldik. Bul vaksınany Qazaqstan aýmaǵyna arnaıy qujattardy tapsyrý arqyly jetkizý isimen aınalysýǵa daıynbyz», dedi Marat Shoranov.
Onyń aıtýynsha, bári de atalǵan kompanııanyń óndiristik qýaty men múmkindigine baılanysty bolady.
Aıta keterligi Qazaqstan da qazirgi ýaqytta «Spýtnık V» vaksınasyn tirkeý máselesin qarap jatyr. Vaksına 2020 jylǵy 24 jeltoqsannan bastap 2021 jylǵy 21 qańtarǵa deıin N.F. Gamaleıa atyndaǵy EMǴZI-da sapany baqylaý prosesinen ótedi.
Tekserý sátti bolǵan jaǵdaıda 2021 jylǵy 26 qańtardan 11 aqpanǵa deıin preparatty Qazaqstan Respýblıkasynda tirkeý josparlanyp otyr.
